Elena Hrýstaleva bıatlonnan Aq Azıadanyń kúmis júldegeri atandy

Jarystar shańǵy-bıatlon stadıonynda ótkizildi.

Elena Hrýstaleva 7,5 shaqyrymdyq qashyqtyqty 23 mınýt 21 sekýndta júrip ótti, al onyń qarsylasy qytaılyq Van Chýnlı bul jol kesimin 23 mınýt 12 sekýndta ótip, «altyn» júldeni ıelendi.

Elena Hrýstaleva, Reseı quramasynyń sapynda Eýropanyń úsh dúrkin chempıony, Belarýs quramasynyń sapynda 2002 jylǵy Olımpıada oıyndarynyń qatysýshysy, Qazaqstan quramasynyń sapynda 2007 jylǵy Azııa oıyndarynyń eki dúrkin júldegeri. Álem kýbogynyń satylarynda úzdik ondyqtyń qataryna tórt ilikti, onyń ishinde 2009 jylǵy álem chempıonatynda jeke jarysta altynshy bolyp keldi. Vankýverde ótkizilgen birinshi Olımpıada jarysynda (7,5 shaqyrym) besinshi oryndy ıelengen. 2010 jyldyń 19 aqpanynda Vankýverde ótkizilgen Olımpıada oıyndarynda 15 shaqyrymdyq qashyqtyqta kúmis medal enshiledi.

Ózge qazaqstandyq sportshy Marına Lebedeva qola júldeni qanjyǵasyna baılady.