Elena Bahmýtova Ulttyq banktiń bazalyq stavkany ózgertýine qatysty túsinik berdi
ALMATY. QazAqparat - Qazaqstan Qarjygerler qaýymdastyǵynyń tóraǵasy Elena Bahmýtova QR Ulttyq bankiniń bazalyq stavkasynyń kóterilýine qatysty túsinik berdi, dep habarlaıdy QazAqparat tilshisi.
Onyń aıtýynsha, bazalyq mólsherlemeniń 12 paıyzǵa kóterilýi makroekonomıkalyq ahýaldy turaqtandyrýǵa baǵyttalǵan.
«Durys áreket. Bul bizdiń birinshi daǵdarys emes. Meniń oıymsha, osyǵan uqsas sharalar basqa elderde de jasalady. Kórshiles Reseıde de bolýy yqtımal», - dedi ol.
Onyń aıtýynsha, áleýmettik ekonomıkalyq turaqtylyq basty nazarda bolýy tıis.
QR Úkimeti qazir osy máselege basymdyq berip otyr. Ol úshin arnaıy shtab quryldy.
«Qazaqstan ekonomıkasy ashyq bolǵandyqtan, oǵan álemdegi ahýal qatty yqpal etedi. Qazir qandaı sharalar qolǵa alynatyny anyqtaldy. Basymdyq beriletin salalarǵa resýrstardy jınaý kerek. Keıbir ınvestıtsııalyq shyǵyndardan bas tartý qajet. Bul eń aldymen kvazımemlekettik sektordaǵy, odan keıin jeke sektordaǵy kásiporyndarǵa yqpal etýi tıis. Іshki resýrstardy iske qosý abzal bolady», - dedi ol.
Elena Bahmýtova osy maqsatta QR Úkimeti men Ulttyq banki jáne Qarjylyq naryqty retteý agenttigi úsh jaqtan birigip keshendi sharalardy qolǵa alýy kerektigin aıtty.
«Keshe barlyq jerde ındekster qulady. Sol úshin keshendi sharalar oılastyrý kerek. QR Qarjy mınıstrligi keıbir bıýdjettik shyǵyndardy azaıtyp, Respýblıkalyq bıýdjet týraly zańǵa ózgeris engizetin bolady. Buǵan týra 1 apta ýaqyt bar», - dedi E.Bahmýtova.
QQQ tóraǵasynyń aıtýynsha, qarjylyq sektorda aktıvterdiń sapasy baǵalandy.
«Bul jerde kútpegen tosyn jańalyq bolmaıtynyna kóz jetkizdik. Endi barlyq kúshti ekonomıkalyq salany turaqtandyrýǵa salatyn bolamyz. Birinshi kezekte jumys oryndaryn saqtap qalý, ımporttyń ornyn almastyrý, memlekettik tapsyrystarda qazaqstandyq óndirýshilerdiń bolǵany, halyqty óndiristik jumyspen qamtý, olardyń tabys tabýy qamtamasyz etý kózdelgen», - dedi QQQ tóraǵasy.
Aıta ketý kerek, QR Ulttyq banki syrtqy sektor tarapynan táýekelderge teris yqpal etý aıasynda baǵa turaqtylyǵyn qoldaý qajettiligine negizdelgen bazalyq mólsherlemeniń deńgeıi boıynsha kezekten tys sheshim qabyldaǵan bolatyn.
Sondaı-aq COVID-19 vırýsy indeti keıbir elderdi retsessııaǵa ushyratyp, jahandyq ekonomıka ósimin 2,5% -dan tómen deńgeıge deıin quldyratýy múmkin.
Óıtkeni, koronavırýstyń órshýinen tikeleı sheteldik ınvestıtsııa (TShI) aǵyny kólemi qysqarady. BUU-nyń Saýda jáne damý jónindegi konferentsııasy (ıÝNKTAD) uıymy osylaı málim etti. Aldyn ala boljam boıynsha, koronavırýs saldarynan álemdik ekonomıka shyǵyny 2 trln dollardy, al damýshy elderde 220 mlrd dollardy quraýy múmkin.
