Elektrsamokattarǵa bólek jol salý qarastyrylyp jatyr – ІІM

ASTANA. KAZINFORM – Elimizde elektrli samokat, moped, skýter júrgizýshilerine arnalǵan jol salý qarastyrylyp jatyr. Bul týraly Іshki ister mınıstrligi ákimshilik polıtsııa komıtetiniń tóraǵasy Qaısar Sultanbaev málim etti.

«Jol qozǵalysy erejelerine ózgerister engizildi. Buǵan deıin de moped, elektrli samokat, skýter júrgizýshilerine qoıylatyn talaptardyń qatańdaı túsetini týraly aıtyldy. Endi zań boıynsha retteldi. Іs profılaktıkalyq is-shara, aktsııalarmen shektelmeıdi, jol erejesin buzǵandar jaýapqa tartylady. Sonymen qatar samokat, skýterlerdi jalǵa beretin uıymdarmen de jumys isteımiz. Olar GPS arqyly basqarylady jáne qozǵalys jyldamdyǵyn shekteýge bolady, ondaı fýnktsııa bar. Elektrli skýterlerdiń qozǵalysynyń eń joǵary jyldamdyǵy saǵatyna 6 shaqyrymǵa kózdelgen», - dedi Qaısar Sultanbaev Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, ІІM ókili samokattarǵa arnalǵan parkıng máselesi de qaralǵanyn aıtty.

«Óıtkeni, qoldanýshylar samokattardy ár jerge tastap tastap ketedi. Jol jelisin qaı qalalarda salý kerektigine monıtorıng jasap, qalaı damýy sheshiledi. Jumysty jergilikti atqarýshy organdarmen birlesip júrgizemiz», - deıdi spıker.