Elektrosamokatshylarǵa qandaı tyıym salynady

ASTANA. KAZINFORM — Maýsym ashylǵannan beri elektrosamokatshylar tarapynan jol qozǵalysy erejesin buzýdyń 1,5 myńnan astam faktisi anyqtaldy.

 Bul týraly ІІM Ákimshilik polıtsııa komıtetiniń tóraǵasy Qaısar Sultanbaev aıtty.

— Taǵy bir toqtalǵym kelgen másele — bul elektrosamokattardy paıdalaný. Maýsym ashylǵannan qazirgi ýaqytqa deıin 1,5 myńǵa jýyq buzýshylyq anyqtaldy. Elektr skýterlerin paıdalanýshylardyń qatysýymen tirkelgen jol-kólik oqıǵa jáne zardap shekkender bar. Sondyqtan, jol júrisi qaǵıdalaryn saqtańyzdar dep aıtqym keledi. Elektrosamokattardyń júrgizýshileri velosıped jolymen, al ol bolmaǵan kezde joldyń júris bóliginiń oń jaq jıegimen, onyń ishinde marshrýttyq kólik quraldaryna arnalǵan jolaqpen qozǵalady. Júrý bólikterine júrgizýshi kýáligi bar jáne mindetti túrde motoshlem kıgen 18 jastan asqan adamdar jiberiledi, — dedi ol Ortalyq kommýnıkatsııalar qyzmetindegi brıfıngte.

Onyń atap ótýinshe, elektrosamokattardyń trotýarda júrýine ruqsat etiledi. Biraq bul rette jaıaý júrginshi trotýarda basymdyqqa ıe. ıAǵnı, elektrosamokattardyń júrgizýshisi jaıaý júrginshilerdiń qozǵalysyna qaýip tóndirmeýi kerek.

— Eger elektrosamokatshylardyń quqyqtaryn aıtsam, negizgi tyıymdar týraly da aıtý qajet. Elektrosamokatshylardyń júrgizýshilerine róldi bir qolymen ustamaı júrýge, júkter men jolaýshylardy tasymaldaýǵa, basqa kólikti súıreýge, táýliktiń qarańǵy ýaqytynda jaryq shaǵylystyratyn zatsyz júrýge tyıym salynady, — dedi Qaısar Sultanbaev.

Buǵan deıin erteńnen bastap moped júrgizýshisi mehanıkalyq kólik quraldarynyń júrgizýshilerine júktelgen jaýapkershiliktiń barlyq spektrin kóteretindigin habarlaǵan edik.