Elektrondyq júıeni engizý arqyly ǵana keden salasyndaǵy kemshilikterdi joıýǵa bolady

Búgin Astanada bastalǵan «Kedendik odaq: tájirıbe, máseleler men sheshý joldary» taqyrybyndaǵy «dóńgelek ústeldiń» otyrysynda Kedendik deklaranttardyń qazaqstandyq odaǵynyń prezıdenti Nurlan Burshaqbaev osylaı aıtty.

Onyń paıymdaýynsha, osy saladaǵy barlyq kemshilikter adam faktoryna baılanysty. «Máselen, salyq salasynda býhgalterlik esep-qısapty elektrondy rásimdeý tetigi engizilgennen keıin jemqorlyqtyń kórsetkishi kúrt tómendedi. Demek, adam faktory alystatylǵannan keıin osy salada ózekti problema óz sheshimin tapty. Meniń oıymsha, elektrondy júıeni engizse, keden salasynda da dál osylaı bolýy múmkin. Negizi, keıbir kedendik máselelerdi sheshý kezinde keden ınspektorynyń bolýy qajet emes, ony elektrondy turǵyda da sheshýge ábden bolady. Búginde Qazaqstanda «Elektrondy qujat jáne elektrondy-sandyq qoltańba týraly» zań bar, biraq keden salasynda ol múldem oryndalmaı jatyr. Qazirgi kezde bizde elektrondy-sandyq qoltańbany beretin ulttyq ortalyq bar. Nege kedendik sektor osy ortalyq múmkindikterin paıdalanbaıdy?», - deıdi N.Burshaqbaev.

Uıym tóraǵasy atap kórsetkendeı, otandyq keden salasy elektrondy júıege kóshken kezde ǵana Kedendik odaqtyń artyqshylyǵy baıqalady. Ol úshin Qarjy mınıstrligi men keden organdarynyń naqty is-áreketi qajet.