Elektrondyq úkimettiń portaly arqyly 3 500 000 elektrondyq anyqtama berilgen
ASTANA. 12 mamyr. QazAqparat /Qanat Mámetqazyuly/ - 2008 jyldan bastap elektrondyq úkimettiń portaly arqyly jeke (zańdy) tulǵanyń jyljymaıtyn múligi joqtyǵy (bar bolýy) týraly anyqtamany berý qyzmeti kórsetiledi.
2010 jyldyń mamyr aıynan beri bul anyqtama tek qana elektrondyq nusqada berilip keledi.
«Elektrondyq úkimettiń portalynan atalǵan qujatty alý úshin qajetti qyzmet kórsetý túrin tańdap, memlekettik organǵa ózińizdiń elektrondyq sandyq qoltańbańyzben kýálandyryǵan suranymdy jiberýińiz kerek. Birneshe mınýttyń ishinde suratqan qujatyńyzdy ala alasyz. Ótken jyldyń shilde aıynda qabyldanǵan «Elektrondyq úkimet máseleleri boıynsha keıbir zańnamalyq aktilerge ózgertýler men tolyqtyrýlar engizý týraly» QR Zańyna sáıkes, portaly arqyly beriletin elektrondyq anyqtamalar zańdy bolyp esepteledi. Buǵan qosa, anyqtamanyń zańdy ekendigin tekseretin arnaıy qorǵanys ádisteri bar. Mysaly kody men baqylaý nómiri sekildi arnaıy belgilerdiń kómegimen anyqtamany memlekettik organ derekter qorynan ońaı taýyp alady», - delingen baılanys jáne aqparat mınıstrliginiń baspasóz qyzmeti taratqan málimette.
Jeke (zańdy) tulǵanyń jyljymaıtyn múligi joqtyǵy (bar bolýy) týraly anyqtama jaldamaly páter alý baǵdarlamasy nemese Memlekettik turǵyn úı qurylysy baǵdarlamalary boıynsha qujat tapsyrǵanda, ekinshi deńgeıdegi bankterden nesıe alý barysynda qajet. Búgingi kúni elektrondyq úkimettiń portalynda turǵyndarǵa elektrondyq, aqparattyq, tranzaktsııalyq qyzmet kórsetýler usynylady: portaldan sizder ózińizdi qyzyqtyrǵan qandaı da bir memlekettik qyzmet kórsetýler, onyń usynylýy týraly tolyq aqparatty jáne anyqtamalardy onlaın tártibinde alyp, ol úshin memlekettik ótemaqyny onlaın tártibinde tóleı alasyz.
Elektrondyq úkimettiń www.egov.kz portaly arqyly búgingi kúni 3 500 000 e-anyqtama berilgenin aıtyp ótý kerek.
