«Elektrondyq úkimetti» damytýda tehnıkalyq qamtamasyz etýge emes, ákimshilik reformaǵa basa kóńil bólý qajet - E. Dúrmaǵambetov
ashanyń 3-i. QazAqparat /Qanat Mámetqazyuly/ - Elimizdegi «elektrondyq úkimetti» damytýda tehnıkalyq qamtamasyz etýge emes, ákimshilik reformaǵa kóbirek kóńil bólý qajet bolyp tur.
Búgin QR Parlamenti Májilisi Halyqaralyq ister, qorǵanys jáne qaýipsizdik komıtetiniń keńeıtilgen otyrysynda Aqparattandyrý jáne baılanys agenttigi tóraǵasynyń orynbasary Erlan Dúrmaǵambetov osylaı málim etti, dep habarlaıdy QazAqparat.
«Jalpy elimizde «elektrondyq úkimetti» engizýge qatysty Aqparattandyrý jáne baılanys agenttigi barlyq ınfraqurylymdy ázirledi. ıAǵnı, «elektrondyq úkimetti» Qazaqstanda damytý úshin barlyq jaǵynan qamtylyp otyr, tehnıkalar men ártúrli elektrondyq aqparattyq júıeler tolyq bar. Biraq, qazirgi kúni naǵyz «elektrondyq úkimetti» damytý tehnıkamen baılanysty emes, bul - ákimshilik rásimderge, memleket tarapynan usynylatyn memlekettik qyzmetterge baılanysty bolyp otyr. Sol sebepten de «QR keıbir zańnamalyq aktilerine Qazaqstan Respýblıkasynyń «elektrondyq úkimetin» damytý máseleleri boıynsha ózgerister men tolyqtyrýlar engizý týraly» zań jobasy ázirlengen», dedi E. Dúrmaǵambetov.
Onyń aıtýynsha, «elektrondyq úkimettiń» tabystylyǵy tehnıkalyq qamtamasyz etý bóliginde emes, ákimshilik reformaǵa qatysty bolyp tabylady. «Árıne, Aqparattandyrý jáne baılanys agenttigi basqa memlekettik organdarǵa «elektrondyq úkimet» aıasynda qalaı jumys isteý kerek ekendigin úıretetin organ emes. Biraq, bul jumysta kóptegen túsinbeýshilikter barshylyq. Máselen, qazir ınternet arqyly elektrondyq lıtsenzııalaýdy júrgizýge tolyq tehnıkalyq múmkindigimiz bar. Bundaı júıeni úsh memlekettik organǵa engizdik, altaýyna engizý jumystary júrgizilýde. Biraq, osy elektrondy ádisti engizý barysynda birqatar problemalarǵa tap boldyq. Atap aıtqanda, sheneýnikterdi bulaısha jumys isteýge májbúrleı almaı otyrmyz. Olar da óz kezeginde: «elektrondyq lıtsenzııalaý boıynsha ınternet arqyly ótinishterdi qabyldap, jumys isteýge eshqandaı normatıvtik negizdeme joq» degendi aldyǵa tartady. ıAǵnı, dál qazirgi kezde «elektrondyq úkimetti» engizýdiń tehnıkalyq qalyptastyrý kezeńinen óttik, endigi kúni árbir memlekettik organdy, sheneýnikterdi elektrondyq túrde jumys isteýge májbúrleý ǵana qalyp tur. Buny tek zańnama arqyly ǵana júrgize alamyz», dedi E. Dúrmaǵambetov.
