«Elektrondyq úkimet» jumysy týraly eń úzdik materıalǵa baıqaý jarııalandy
ALMATY. 7 shilde. QazAqparat /Ádilet Musahaev/ - «Zerde» Ulttyq Infokommýnıkatsııalyq holdıngi» AQ Baılanys jáne aqparat mınıstrliginiń qoldaýymen 2011 jyldyń 1 shildesi men 10 qarasha aralyǵynda «Elektrondyq úkimet» jumysy taqyrybyndaǵy eń úzdik materıalǵa jýrnalıster arasynda shyǵarmashylyq baıqaý jarııalaıdy.
Baıqaýdyń maqsaty-barshaǵa ortaq is - Qazaqstan Respýblıkasynyń «elektrondyq úkimetiniń» qurylýyna ózderiniń maqalalarymen úles qosyp júrgen eń úzdik maqala avtorlaryn anyqtap, marapattaý.
Baıqaýǵa qatysýshylardy irikteý «Úzdik televızııalyq materıal», «Úzdik baspasóz materıaly», «Úzdik jelilik materıal» syndy úsh atalym boıynsha júrgiziledi.
Sonymen qatar ár atalym jeńimpazyna planshettik kompıýter tabystalmaq.
Baıqaýdaǵy materıaldarǵa qoıylatyn talaptarda maqalanyń «elektrondyq úkimet» jumysy týraly bolýy kerektigi, taqyryptyń ózektiligi men oqyrmandar úshin mańyzdylyǵy, taqyrypqa tyń (kreatıvti) kózqaras, jarııalanǵan materıalda halyqaralyq tájirıbe men statıstıkalyq málimetterdi paıdalaný, keltirilgen derekter men tsıfrlardyń naqtylyǵy, aqparat alý maqsatynda suhbat berýshiler sany úshten kem bolmaýy kórsetilgen. Sonymen qatar materıaldyń baspasóz ben ınternette jarııalanýy, televızııalyq efırden mindetti túrde berilýi jáne baıqaýǵa usynylǵan materıaldardyń skan-nusqasyn, materıalǵa silteme kórsetý, vıdeomaterıal (televızııalyq materıal úshin) qosymsha tapsyrý qajettiligi de kórsetilgen.
Baıqaýdyń qazylar alqasy músheleri qatarynda QR Baılanys jáne aqparat mınıstri Asqar Jumaǵalıev, «Zerde» AQ Basqarma tóraǵasy Nurlan Izmaılov, «UAT» AQ Basqarma tóraǵasy Rýslan Eńsebaev, «Egemen Qazaqstan» AQ prezıdenti Saýytbek Abdyrahmanov, «Qazaqstan» RTRK» AQ Basqarma tóraǵasynyń birinshi orynbasary Lázzat Tanysbaı, Halyqaralyq konkýrstyń «Televızııa» atalymy boıynsha «Úzdik kásip ıesi» atalymynyń jeńimpazy Aleksandr Trýhachev, «KTK» telearnasynyń tilshisi Aleksandr Jýravlev, «Kazahstanskaıa pravda» gazetiniń tilshisi («Baspa BAQ» nomınatsııasy boıynsha 2008, 2009 jj. jeńimpazy) Svetlana Antoncheva, «Tengrinews.kz» aqparattyq portalynyń aqparattar qyzmetiniń jetekshisi Aıbek Aldabergenov bar.
Barlyq jumystar elektrondyq nusqada mci.press@mci.gov.kz Etot e-mail zaşışen ot spam-botov. Dlıa ego prosmotra v vashem braýzere doljna byt vklıýchena podderjka Java-script elektrondyq adresine «QR elektrondy úkimetiniń jumysy týraly daıyndalǵan úzdik materıaldar konkýrsyna» degen ataýmen qabyldanady.
