«Elektrondyq úkimet» veb-portalynan basyp shyǵarylǵan kez-kelgen anyqtamanyń barlyq organdarda zańdy kúshi bar - EPAM Systems kompanııasynyń vıtse-prezıdenti
ýaqytty únemdeý úshin halyq pen bıznes qurylymdaryna asa qajet joba ekendiginiń kórsetkishi.
Jalpy, bul saladaǵy atqarylyp jatqan jumystar el úkimetiniń basty nazarynda bolyp keledi. Dúıim dúnıeni dúrliktirip, bizdiń elge de yqpalyn tıgizip jatqan daǵdarys lańyna qaramastan, Premer-Mınıstr Kárim Másimov «Elektrondyq úkimet» máselesin únemi baqylaýynda ustap, qadaǵalap otyr. Máselen, keshe Astanadaǵy «Beıjiń Palas» qonaq úıinde ótken «Elektrondyq Úkimettiń bastamalary» atty tórtinshi halyqaralyq konferentsııaǵa da tikeleı ózi qatysyp, biraz istiń basyn sholdy.
Statıstıka kórsetip otyrǵandaı, 2009 jyldyń qańtarynda «Elektrondyq úkimetke» kirýshilerdiń sany 47 182 bolsa, qyrkúıek aıynda bul kórsetkish 104 752-ge jetken. Ústimizdegi jyly elektrondyq qyzmetterdi alýǵa portalǵa 8 661 qoldanýshy tirkelgen. Búginde olarǵa qyzmettirdiń 41 túri kórsetilip otyr, al jyl sońyna deıin qyzmetter tizimi 54-ke deıin arttyrylatyn bolady.
2006 jyly Qazaqstan Respýblıkasynda «elektrondyq úkimet» baǵdarlamasyn iske qosqan, 2007 jyly «elektrondyq úkimet» shlıýzy men memlekettik organdardaǵy ınternet-portaldy, sondaı-aq elektrondyq qyzmetter portalyn qurǵan, tapsyrys boıynsha baǵdarlamalyq qamtamasyz etý salasynda álem naryǵynda asa tanymal EPAM Systems kompanııasynyń vıtse-prezıdenti Anatolıı Gaverdovskııdiń pikirinshe, «elektrondyq úkimet» búgingi kúni postkeńestik keńistiktegi úkimettiń jalǵyz biregeı uıymy.
«Portal halyqqa bıliktiń barlyq memlekettik jáne mýnıtsıpaldyq organdarymen birlesip áreket etýge múmkindik beredi. Meniń oıymsha bul búgingi kúni Reseıge jetispeı otyrǵan qural. Jobada «bir tereze qaǵıdaty» júzege asyrylǵan. Buǵan deıin qandaı da bir biriktirilgen anyqtamalardy alý úshin túrli mekemelerdiń tabaldyryǵyn tozdyrýǵa týra keletin bolsa, búginde biz bul júıelerdiń barlyǵyn biriktirdik. Elektrondy qyzmetterge zańdy kúsh beretin mehanızmder ázirlenip, qyzmetterdiń aýqymy barynsha keńeıtildi. Endi Qazaqstan Respýblıkasynyń azamaty ınternet arqyly prınterden basyp shyǵarǵan kez-kelgen anyqtamanyń barlyq memlekettik organda tolyq zańdy kúshi bar», - deıdi ol.
Úkimet jumysyndaǵy ashyqtyqty arttyrý, jeke jáne qoǵamdyq mańyzy bar memlekettik ashyq aqparattardy alýǵa azamattardyń quqyǵyn júzege asyrý, memlekettik organdar men mekemelerdiń qyzmetine qoǵamdyq qadaǵalaýdyń qajetti deńgeıi men azamattyq qoǵam bostandyǵyn qamtamasyz etý, sondaı-aq azamattyq qoǵam ınstıtýty men demokratııany qalyptastyrý - «elektrondyq úkimet» veb-portalyn qurýdaǵy Úkimettiń kózdegen basty maqsaty.
Bul qaǵıdattardy júzege asyrý baǵytynda QR Úkimeti tarapynan birqatar mańyzdy sharalar jasaldy. Alǵashqy qadam retinde, 1998 jyly Qazaqstan Respýblıkasynda aqparattyq qaýipsizdikti qamtamasyz etýdiń basty baǵyttary boıynsha qyzmetter men ulttyq aqparattyq ınfraqurylymdy qurý jáne damytý jónindegi jumystarǵa koordınatsııa jasaıtyn Komıssııa quryldy.
Budan keıin 2000 jyly, Kólik jáne kommýnıkatsııa mınıstrliginde Aqparat jáne baılanys jónindegi komıtet jasaqtaldy. Dál osy Komıtettiń kelýimen aqparattyq-kommýnıkatsııalyq tehnologııalar salasynda normatıvti-quqyqtyq baza qalyptasyp, Ulttyq aqparattyq ınfraqurylymnyń jalpy damýy qarqyndy serpin aldy deýge bolady.
Bul baǵyttaǵy jumystardy odan ári ilgeriletý maqsatynda sondaı-aq «Aqparattandyrý jónindegi», «Elektrondyq qujat jáne elektrondyq qoltańba týraly» Zańdar engizilgen tolyqtyrýlarmen iske qosylyp, QR-nyń «Baılanys týraly» jańa zamanaýı zańy ázirlenip, qabyldandy.
Halyqaralyq tájirıbelerge súıene otyryp, Úkimet 2003 jyly atalmysh Komıtettiń janynan memlekettiń aqparattandyrý jáne baılanys salasyndaǵy saıasatyn júzege asyratyn quzyrly organ - Qazaqstan Respýblıkasynyń Aqparattandyrý jáne baılanys agenttigin qurdy. 2005-2007 jáne 2008-2010 jyldarǵa arnalǵan QR-da «elektrondy úkimetti» qurý memlekettik baǵdarlamasy pysyqtalyp, bekitildi.
Búgingi kúni «Elektrondyq úkimet» ınfraqurylymyn qurý memlekettik baǵdarlamasynyń is-sharalaryn júzege asyrýshy birden-bir ulttyq operator «Ulttyq aqparattyq tehnologııalar» Jabyq aktsıonerlik qoǵamy bolyp tabylady. Al aqparattyq-kommýnıkatsııa salasynyń ekonomıkalyq tıimdiligi men básekege qabilettiligin arttyrý maqsatynda 2008 jyly qurylǵan «Zerde» Ulttyq aqparattyq-kommýnıkatsııalyq holdıngi» AQ-nyń ınstıtýtsıonaldyq bazasynda búgingi kúni birneshe enshiles kompanııalar jumys isteıdi. Olar - «Ulttyq aqparattyq tehnologııalar» AQ, «Qazsatnet» AQ, «Qazkontent» AQ, «Ulttyq protsessıngilik ortalyq» AQ, «Elektrondyq kommertsııa ortalyǵy» JShS jáne «Aqparattyq qarjylar júıesi ortalyǵy» JShS.