«Elektrondyq úkimet» taqyrybyna qatysty jýrnalıster arasyndaǵy baıqaýdyń jeńimpazdary anyqtaldy
ASTANA. 26 qarasha. QazAqparat - Búgin Qazaqstannyń «elektrondyq úkimet» qyzmetin jarııalaıtyn jýrnalıster men blogerlerdiń arasyndaǵy baıqaýdyń qorytyndysy shyǵaryldy.
Konkýrsqa barlyǵy 30 jumys kelip tústi.
Úzdik materıaldardy anyqtaǵan qazylar alqasynyń quramyna Kólik jáne kommýnıkatsııa mınıstrliginiń, «elektrondyq úkimet» portalyn tikeleı ázirleýshiler - «Ulttyq aqparattyq tehnologııalar» kompanııasynyń ókilderi endi, sarapshy retinde tanymal jańalyqtar resýrsynyń bas redaktory shaqyryldy.
«Úzdik gazet materıaly» atalymynda - Dýman Byqaı, «Dala men Qala»;
«Úzdik televızııalyq sıýjet» atalymynda - Olga Chapýrına, 7 arna;
«Úzdik radıomaterıal» atalymynda - Lázzat Noǵaıbaı, Qazaq radıosy;
«Úzdik jelilik materıal» atalymynda - Jyljymaıtyn múlik portal;
«Úzdik setevoı blog» atalymynda - Kúlán Alına;
«Kórermen kózaıymy» atalymynda (bir BAQ-tyń materıaldar serııasy - baspanyń, TV nemese radıonyń) - Qazaq radıosy.
Jeńimpazdardyń barlyǵy baǵaly syılyqtar: smartfondar men netbýktar alady.
Jýyq arada jeńimpazdar saltanatty marapattaýǵa shaqyrylatyn bolady, al baıqaýdyń barlyq qatysýshylaryna alǵys gramotalary joldanady.
