Elektrondyq úkimet portalyndaǵy jańalyqtar
ASTANA. 21 maýsym. QazAqparat - Búgingi kúni Elektrondyq úkimettiń portalynan zańdy tulǵanyń, onyń bólimshesi nemese ókildigi týraly anyqtamany tegin alýǵa bolady.
Buryn birneshe kún kútetin aqparatty endi www.egov.kz portalynan 30 mınýttyń ishinde ala alasyz, dep habarlady Baılanys jáne aqparat mınıstrliginiń baspasóz qyzmetinen.
Anyqtamany alý úshin júıege zańdy tulǵa týraly málimetterdi: BSN, nemese uıymnyń ataýyn, salyq tóleýshiniń nómirin nemese basshynyń aty-jónin engizý kerek.
Buǵan qosa, qazirgi ýaqytta eGov portalynda jeke tulǵalardyń zańdy tulǵaǵa qatysy barlyǵy (joqtyǵy) týraly anyqtamany tegin alýǵa bolady. Ol úshin jeke tulǵanyń JSN nómirin bilseńiz jetkilikti.
Úkimet pen azamattyń deldaldarsyz, tikeleı qarym-qatynas ornatýy Qazaqstannyń demokratııalyq qoǵamy úshin qalypty jaǵdaı. Memlekettiń aqparattyq tehnologııalardy kúndelikti ómirge engizýi óz nátıjesin berýde: kóptegen memlekettik qyzmet kórsetýler kez kelgen qazaqstandyq úshin Internet jelisinde qoljetimdi.
Qazirgi kúni elektrondyq úkimet portaly 70 astam elektrondyq qyzmet kórsetýler usynady, 2011jyldyń basynan beri 3 mıllıonnan astam elektrondyq anyqtama berildi.
