«Elektrondyq úkimet» portalyndaǵy eń kóp suranysqa ıe qyzmet túri - jyljymaıtyn múlikke qatysty anyqtamalar
ASTANA. 7 qazan. QazAqparat - «Elektrondyq úkimet» portalyndaǵy eń kóp suranysqa ıe qyzmet túri - jyljymaıtyn múlikke tirkelgen quqyqtar (aýyrtpalyqtar) jáne jeke tulǵaǵa onyń tehnıkalyq sıpattamalary týraly anyqtama.
Bundaı anyqtamany 3 324 008 azamat alǵan. Sonymen birge, tek elektrondyq nusqada beriletin jyljymaıtyn múliktiń bar (joǵy) týraly anyqtama da úlken suranysqa ıe, dep habarlaıdy QR BAM baspasóz qyzmeti. Búgingi kúni osyndaı 1 044 750 anyqtama berilgen.
Atalǵan qyzmetterdi «egov.kz» portalynan birer mınýttyń ishinde jáne tegin alý úshin qoldanýshy portalda tirkelip, odan ári «Jyljymaıtyn múlikti satyp alý. Ipoteka. Kommýnaldyq tarıfter» bólimine ótýi qajet. Budan keıin qyzmetti alý týraly suranymdy toltyryp, ony óziniń elektrondyq tsıfrlyq qoltańbasymen rastaýy kerek. Qoldanýshynyń bunyń aldynda alǵan anyqtamalary týraly aqparat onyń jeke kabınetindegi «qyzmetterdi alý tarıhy» bóliminde saqtalady.
Jyljymaıtyn múlikke tirkelgen quqyqtar (aýyrtpalyqtar) jáne jeke tulǵaǵa onyń tehnıkalyq sıpattamalary týraly anyqtamalar negizinen azamattardyń kommertsııalyq bankterde notarıaldyq jáne kepildemelik kelisimderdi resimdeýi kezinde qajet. Aıta ketý kerek, atalǵan anyqtama shetel azamattary men 16 jasqa tolmaǵan balalarǵa JSN bolǵan jaǵdaıda jáne týý týraly kýáligi arqyly resimdelgende, tek qaǵazdyq nusqada beriledi.
