«Elektrondyq úkimet» portalynda mektepaldy daıarlyq mekemelerine bólinetin oryndardyń jańa kestesi jarııalandy
ASTANA. Sáýirdiń 13-i. QazAqparat - Qazaqstan Respýblıkasynyń «Elektrondyq úkimet» portalynyń negizgi betiniń «habarlama» bóliminde 2010 jyly Astana qalasy boıynsha mektepaldy daıarlyq mekemelerine bólinetin oryndardyń jańa kestesi jarııalandy, dep habarlaıdy «Ulttyq aqparattyq tehnologııalar» AQ-nyń baspasóz qyzmeti.
Kestege sońǵy ózgerister Astana qalasynyń birqatar mekemeleriniń balabaqshalarǵa qaıtarylyp jatqandyǵyna baılanysty engizilgen bolatyn. Balabaqshalardy balalarmen toltyrý merzimi 2010 jyldyń maýsymynan sáýirine kóshirildi. Balalardyń týylǵan kúnine qaraı balabaqshalar toptaryn toltyrýmen aınalysatyn jumys toby sáýirdiń birinen bastap Konstıtýtsııa kóshesi, 44 meken-jaıyndaǵy №26 orta mektep bazasynda óz jumysyn bastady.
