«Elektrondyq úkimet» portalynan alynatyn qujattardyń zańdy kúshi bar - baılanys jáne aqparat vıtse-mınıstri S.Sársenov
ASTANA. Qyrkúıektiń 3-i. QazAqparat /Muratbek Maqulbekov/ - «Elektrondyq úkimet» portalynan alynǵan qujattar zańdy kúshke ıe.
Bul týraly baılanys jáne aqparat vıtse-mınıstri Sáken Sársenov jýrnalıstermen bolǵan kezdesýde málim etti. «Sońǵy bes aıda biz kóp jumys atqardyq. «Elektrondyq úkimet» jobasyn júzege asyrý barysyndaǵy problemalyq núktelerdi anyqtadyq. Biz ınteraktıvtik jáne tranzaktsııalyq mazmundaǵy elektrondyq qyzmetterge basymdyq tanytyp otyrmyz», dedi S.Sársenov óz sózinde.
Vıtse-mınıstr sondaı-aq, tamyzdyń 15-inde kúshine engen «Elektrondyq úkimet týraly» Zań qabyldanǵannan keıin zańnamadaǵy burynǵy olqylyqtardyń bári joıylǵanyn da atap kórsetti.
Sonymen birge S.Sársenov, «elektrondyq úkimet» portalynan alýǵa bolatyn barlyq elektrondyq qujattardyń zańdy kúshi bar ekenin atap kórsetti.
«E-gov.kz» portalynda memlekettik qyzmet kórsetýdiń ýaqyty 10 mınýtqa deıin qysqartylyp otyr. Eger 2010 jylǵa deıin azamattar 19 myń elektrondyq anyqtama alsa, 2010 jyldyń birinshi jartyjyldyǵynda 469 818 anyqtama alynǵan. Elektrondyq qyzmet kórsetýlerdiń sany da artyp otyr, 2009 jyly - 59 qyzmet kórsetilse, aǵymdaǵy jyly 74 qyzmet kórsetilip otyr.
