Elektrondyq úkimet ınfraqurylymyn rezervteý jáne jańǵyrtý jumystary júrgizilýde

NUR-SULTAN. QazAqparat – Búgin Úkimet otyrysynda Premer-Mınıstr Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınnen eletrondyq úkimet jumysynda bolǵan irkilester jaıynda surady, dep habarlaıdy QazAqparat tilshisi.

«3 tamyz kúni aqparattyq júıeler jumysynda aqaý shyqty. Elektrondy úkimet bir táýlikten astam jumys istemedi. Osy oraıda qandaı sharalar qabyldap jatsyzdar», - dep surady Úkimet basshysy.

Óz kezeginde mınıstr Baǵdat Mýsın 3 tamyzda memlekettik organdardyń serverlik ortalyǵynyń ınfraqurylymynda irkilis bolǵanyn rastady.

«Ony tekserip, saraladyq. Ol birqatar serverdiń isten shyǵýynan boldy. Óz kezeginde Ulttyq tehnologııalar AQ qyzmetkerleriniń jedel jumysynyń arqasynda saǵat 14:00-de kóptegen júıelerdiń jumysy azamattardyń derekterin joǵaltpaı qalpyna keltirildi», - dedi vedomstvo basshysy.

Mınıstrdiń aıtýynsha, elektrondyq úkimet ınfraqurylymyn rezervteý men júıelerdi jańǵyrtý júrgizilip jatyr.

«Onyń ishinde memlekettik organdardyń negizgi jáne rezervtik Derekterdi óńdeý ortalyqtarynyń táýelsiz ınfraqurylymyn qurý josparlanyp otyr. Kelesi jyly iri jobalardy iske asyrsaq, bul másele sheshiletin bolady»,- dedi Baǵdat Mýsın.

Budan buryn habarlanǵandaı, tamyz aıynda eGov.kz júıesinde tehnıkalyq aqaý shyǵyp, memlekettik qyzmetterdi alý múmkindigi bolmady.

Keıin eGov.kz jáne Ashyq úkimet portaldarynyń, eGov mobile mobıldi qosymshasynyń jáne negizgi memlekettik derekqorlardyń jumysy tolyq qalpyna keltirildi.

Foto:primeminister.kz