«Elektrondyq úkimet» aıasynda 219 ınteraktıvti jáne tranzaktsııalyq qyzmetter usynylýda - Kólik jáne kommýnıkatsııa mınıstri

ASTANA. 28 mamyr. QazAqparat - Qazirgi tańda «Elektrondyq úkimet aıasynda turǵyndarǵa 219 ınteraktıvti jáne tranzaktsııalyq qyzmetter usynylýda.

BUU esesibne sáıkes Qazaqstan «e-qatysý ındeksi boıynsha ekinshi orynda. Bul týraly búgin Parlament Májilisindegi Úkimet saǵatynda Kólik jáne kommýnıkatsııa mınıstri Asqar Jumaǵalıev  málim etti.

Mınıstrdiń aıtýynsha, usynylatyn qyzmetter qatarynda anyqtamalar, lıtsenzııalar alý men aıyppuldar tóleý, memlekettik baj salyqtaryn óteý qyzmetteri bar. Sondaı-aq,  qazirgi kezde E-GOB portaly arqyly 12 mln. astam ý-anyqtamalar beriledi.

«Osy qyzmetterdi alý úshin 1 mln.-nan astam elektrondyq tsıfrlyq qoltańba berildi. Jalpy alǵanda «Elektrondyq úkimet» belsendi túrde ilgeri jyljýda. Máselen, onda tirkelgenderdiń sany 2011 jyly 2010 jylmen salystyrǵanda 2,7 esege ósti. Portaldyń kúndelikti paıdalanýshylar sany 20 myńnan asyp otyr»,-dedi mınıstr.