Elektrondyq temeki tartqan amerıkandyq azamat tilinen aıyryldy
ASTANA. 16 aqpan. QazAqparat - Florıdanyń 57 jastaǵy turǵyny Tom Hollýeı elektrondyq temeki tartyp, kúrdeli jaraqat aldy, dep habarlaıdy RosBıznesKonsaltıng.
Associated Press-tiń habarlaýynsha, T.Hollýeıdiń temeki tartýdy qoıý úshin qoldanǵan elektrondyq temekisi aýzynda jarylǵan. Sonyń saldarynan er adam tiliniń bóligi men aldyńǵy tisterinen aıyrylyp, beti kúıip qaldy.
Jarylys kezinde T.Hollýeı óziniń úıinde bolǵan. Ol shuǵyl túrde aýrýhanaǵa jetkizildi.
Dárigerlerdiń aıtýynsha, «bolǵan oqıǵa sizdiń aýzyńyzda startqa daıyndalyp jatqan zymyrandy ustap qalýǵa talpynǵanyńyzben teń». Boljam boıynsha, jarylysqa aqaýly batareıa sebep boldy. Qazirgi kezde tergeýge jaraqattanǵan adamnyń shekken elektrondyq temekisiniń markasy jáne qandaı batareıa qoldanǵany belgisiz. Elektrondyq temekiniń ókilderi buǵan deıin uqsas oqıǵalar týraly estimegenderin málimdedi. Tobacco Vapor Electronic Cigarette Associaton kompanııasynyń basshysy Tomas Kıklas elektrondyq temekini 2,5 mln. amerıkandyqtardyń qoldanatynyn jáne osyndaı oqıǵalar bolmaǵanyn atap ótti.
