Elektrondyq temeki dárilik zattarǵa teńestiriledi
ASTANA. 16 maýsym. QazAqparat - 2016 jyldan bastap Brıtanııada elektrondyq temeki dárigerdiń retseptin qajet etpeıtin dári-dármek retinde sanalady. Degenmen olar áli de dúkenniń sórelerinen tabylady, dep jazady Reuters.
Aıta ketken abzal, túrli memleketterdiń atqaminerleri nıkotıni bar býmen dem alýǵa múmkindik beretin elektrondyq temekimen ne isterlerin bilmeı dal. Máselen, sońǵy jyldary elektrondyq temekiniń álemdik saýdasy kúrt artqanymen, Brazılııada, Norvegııada jáne Sıngapýrda olardy qoldanýǵa tyıym salynǵan. Birqatar mamandardyń paıymdaýynsha, shyntýaıtyna kelgende qarapaıym temekiniń balamasy teris ádetten arylýǵa kómektespeıdi.
Sarapshylardyń toqtamy boıynsha naryqtaǵy temekiler jalpy sapa talaptaryna sáıkes kelmeıdi. Onyń quramynda kóptegen lastaýshy zattar anyqtalyp, nıkotınniń deńgeıinde de aıyrmashylyqtar baıqalǵan. Endi jańa ádisten lıtsenzııasyn saqtap qalǵan kompanııalar paıda tabady. Atalmysh ónim dárigerler resmı túrde jazyp beretin zattardyń qataryna enýi yqtımal.
