Elektrondyq standart kitaphanasynda 9 myńnan astam ulttyq, 27 myńdaı memleketaralyq standart bar
Bul týraly Saýda jáne ıntegratsııa mınıstri Baqyt Sultanov Facebok -tegi paraqshasynda elimizdegi standarttaý protsesterdi damytý jaıyndaǵy jazbasynda atap ótti.
Mınıstr daǵdarys jańa protsesterdi damytý jáne tıimsiz sharalardy qaıta qaraý úshin trıgger bolatyny týraly atap ótti. Ol taıaýda jaqynda tsıfrlandyrý, akkredıtteýdegi jumystyń jańa formattary týraly aıtqanyn jetkizdi.
«Búgingi áńgime standarttaý týraly. Aldyńǵy qatarly halyqaralyq qujattar negizinde jyl saıyn shamamen 1 myńǵa jýyq memlekettik jáne memleketaralyq standart ázirlenedi. Kásiporyndar osylardy paıdalaný arqyly joǵary sapaly ónim berýge múmkindik alady. Sapasy neǵurlym joǵary bolǵan saıyn kásiporynnyń jáne onyń taýarlarynyń básekege qabilettiligi ishki naryqta da, jahandyq naryqta da soǵurlym joǵary bolatyny barshańyzǵa málim», - dedi Baqyt Sultanov.
Onyń pikirinshe, standarttaý jónindegi ulttyq organǵa standarttardy ázirleýge ótinimdi barlyq múddeli taraptar – bıznestiń ózi, memlekettik organdar, akademııalyq ortalar jáne tehnıkalyq komıtetter bere alady. Tehnıkalyq komıtetterdiń ózi is júzinde aldyńǵy qatarly tehnologııalardy engizý boıynsha tar beıindi tehnıkalyq sarapshylar.
«Alaıda standarttardyń qor sóresinde turyp qalý jaǵdaılary kezdesetindikten, standarttardy ázirleýdi josparlaý jáne qarjylandyrý protsesterin qaıta qaraý, sondaı-aq aqparattyq júıelerdi búkil jerge engizý qajet dep sanaımyn. Biz mindetti túrde dınamıkany saqtaýymyz jáne standarttaýdyń áleýetti rezervterin standarttardy álde de suryptap ázirleý arqyly arttyrýymyz kerek.
Birinshiden, men standarttardy ázirleý protsesin josparlaý salanyń tereń marketıngine negizdelýge tıis dep esepteımin. Óndirýshiden kelip túsken ótinimdi qaraı otyryp, Standarttaý jónindegi ulttyq organ bıznestiń osy standartty qoldaný áleýetin, jalpy sapany arttyrýdy, eksportty jyljytýdy jáne saýdany damytýdy eskerýge tıis», dedi Baqyt Sultanov.
Onyń oıynsha, ekinshiden, ázirlemeni tikeleı qarjylandyrýdan shyǵyndardy sýbsıdııalaý formatyna óte otyryp, standarttardy ázirleýdi qarjylandyrý shemasyn ózgertý tıimdirek bolady. Bul rette standarttyń suranysta bolýy negizgi sheshýshi shart bolýǵa tıis.
«Qorytyndylasaq, mańyzdy baǵyt – tsıfrlandyrý. Ótken jyly Standarttaý jónindegi ulttyq organ «E-josparlaý» avtomattandyrylǵan modýlin ázirledi, bul standarttardy ázirleýge berilgen onlaın ótinim-usynystardy jınaýǵa, óńdeýge jáne irikteýge múmkindik beredi.
Bul jumys standarttardy tsıfrlandyrý jáne ártúrli memlekettik júıelermen, memlekettik jáne kvazımemlekettik satyp alý júıelerimen ıntegratsııalaý baǵytynda jalǵasyp keledi», - dedi mınıstr.
Ol sońynda standarttardyń ekonomıkanyń barlyq salalarynda, shaǵyn bıznesten iri bızneske deıin, qyzmet kórsetý salasynan joǵary tehnologııalyq óndiristerge deıin qoldanylatyna qol jetkizýge bolatynyn aap ótti.
Soynmen qatar, óndirýshiler men barlyq nıet bildirýshilerdiń nazaryna myna aqparatty usyndy.
«Sáýir aıynan bastap Standarttaý jónindegi ulttyq organda elektrondyq standarttar kitaphanasy iske qosyldy. Elektrondyq oqý zaly 9 myńnan astam ulttyq standarttyń (QR ST) jáne 27 myńǵa jýyq memleketaralyq standarttyń (GOST) mátinderin qaraýǵa múmkindik beredi», - dedi Baqyt Sultanov.
