Elektrondyq saýdada jumys isteıtin kásipkerlerdi daıyndaımyz - Saýda vıtse-mınıstri

NUR-SULTAN. QazAqparat – Búginde stýdentterge arnalǵan arnaıy modýl daıyndalýda. Olarǵa onlaın kompanııa qurý joldary úıretiledi. Bul týraly AntikorLive baǵdarlamasynda QR Saýda jáne ıntegratsııa vıtse-mınıstri Ásel Janasova aıtty, dep habarlaıdy QazAqparat tilshisi.

«3-4 kýrs stýdentterine onlaın kompanııa qurý joldary úıretiledi. Stýdent qaı sala boıynsha oqý bitirse de bazalyq quraldardy qoldana bilýi kerek», - deıdi QR Saýda jáne ıntegratsııa vıtse-mınıstri Ásel Janasova.

Onyń aıtýynsha, jeke málimetterin jazýǵa batyldary jetpeı, onlaın saýdadan bas tartatyndar bar.

«Ónimin onlaın satatyn kompanııalarda adam týraly jeke málimetterdi qorǵap qalý jaýapkershiligi bolýy kerek. Kıberqaýipsizdikti saqtaıtyn kezeńge de kelip jetemiz», - deıdi ol.