Elektrondyq saýda jolymen ádil baǵa boıynsha satyp alýlardy baqylaý - memleket tarapynan atqarylyp otyrǵan negizdi jáne mańyzdy jumys
ASTANA. Shildeniń 30-y. QazAqparat - «Elektrondyq saýdaǵa qatysty máselelerge keńinen toqtalar bolsaq, baqylaý tetikterin anyqtaý - memlekettiń quqyǵy.
Memleket ádil baǵa boıynsha satyp alýlardyń barysyn elektrondyq saýda jolymen baqylaǵan jón dep sanaıdy jáne bul onyń tarapynan atqarylyp otyrǵan negizdi jáne mańyzdy jumys», - deıdi respýblıkalyq Ken óndirýshi jáne ken-metallýrgııalyq qaýymdastyqtyń basshysy Nıkolaı Radostovets.
Ol sondaı-aq, baǵa usynystaryna suraý salý ádisimen elektrondyq memlekettik saýda júrgizýdiń jalpyǵa mindetti erejesi memlekettik organdar úshin de, ulttyq kompanııalar úshin de tıimdi ekenin, osynyń arqasynda olar óz shyǵyndaryn azaıta alatynyn atap kórsetti. Degenmen, óz elektrondyq saýda alańdaryn ashý týraly sheshim qabyldaǵan jeke kásiporyndar da barshylyq.
«Ár kompanııa óz jumys tetigin tańdaıdy. Tıimdi bolatyn keı jaǵdaılarda, olar elektrondyq saýdany engizedi. Al keıde qalypty júıemen jumys isteı beredi. Ádette, mundaı jaǵdaı kásiporyn basshysy óz menedjerlerine senetin jáne olarǵa laıyqty jalaqy tóleıtin kezderi oryn alady», - deıdi N.Radostovets.
