Elektrondyq oqýlyqtardy QR-kod arqyly júkteýge bolady - Ashat Aımaǵambetov

ALMATY. QazAqparat - QR Bilim jáne ǵylym mınıstri Ashat Aımaǵambetov elektrondy oqýlyqtardyń engizilýine qatysty pikir bildirdi, dep habarlaıdy QazAqparat tilshisi.

Mektep oqýlyqtary EPUB elektrondyq formatynda qol jetimdi bolady. Bul oqýshylarǵa kez-kelgen elektrondy qurylǵylarda ashýǵa múmkindik beredi.

«Biz qazir respýblıka boıynsha 1-den 10-qa deıingi oqýshylarǵa arnalǵan barlyq oqýlyqtardyń elektrondy nusqalaryn engizýdemiz. Olar mınıstrliktiń saıtynda ornalastyrylady. Olardy QR-kod arqyly júkteýge bolady », - dedi mınıstr.

Buǵan deıin, QR BǴM 1 qyrkúıekten bastap EPUB formatyndaǵy 1-10 synyptarǵa arnalǵan oqýlyqtardyń elektrondy nusqalary mınıstrliktiń saıtynda ornalastyrylatyny týraly habarlanǵan bolatyn. Bul oqýshylarǵa elektrondy qurylǵylar arqyly oqýlyqtardy qoldanýǵa jáne sómkesiniń salmaǵyn jeńildetýge múmkindik beredi.

Densaýlyq saqtaý mınıstrligi belgilegen normalarǵa sáıkes, 1-3 synyp oqýshylarynyń mektep sómkesiniń salmaǵy eki keliden aspaýy kerek. 4-6 synyp oqýshylarynyń rıýkzaktarynyń salmaǵy eki jarym keliden aspaýy tıis. 8-den 11-ge deıin, belgilengen norma bes keliden sál az.