Elektrondyq oqýlyqtar mektepte oqytylatyn pánder mazmunynyń jartysyn ǵana qamtıdy-B. Jumaǵulov
TANA. 3 qarasha. QazAqparat /Rýslan Ǵabbasov/ - Elektrondyq oqýlyqtar mektepte oqytylatyn pánder mazmunynyń jartysyn ǵana qamtıdy. Bul týraly búgin Astanadaǵy «Bilim júıesin aqparattandyrý» atty 5-shi Halyqaralyq forýmda QR Bilim jáne ǵylym mınıstri Baqytjan Jumaǵulov málim etti.
«Qazirgi ýaqytta pánderdiń 95 paıyzy sandyq formatqa keltirildi. Joǵary oqý oryndary 7 myńǵa jýyq elektrondyq oqýlyqtar, 690 elektrondyq trenajer men esepter jınaǵyn ázirledi»,-dedi mınıstr.
Onyń sózine qaraǵanda, 900-ge jýyq mýltımedıalyq oqytý baǵdarlamalary, 13 vırtýaldi zerthanalar men 648 testileý baǵdarlamalary jasaldy.
«Degenmen, sandyq kontenttiń sapasy áli de tómen. Elektrondyq oqýlyqtar mektepte oqytylatyn pánder mazmunynyń jartysyn ǵana qamtıdy. Oqý úderisinde osy oqýlyqtar qanshalyqty tıimdi bolmaq? Bul másele boıynsha áli de talaı jumystar kútip tur», - dep túıindedi B. Jumaǵulov.
