Elektrondyq memlekettik satyp alýlardyń biregeı operatory konkýrlyq protsedýralardy qazirgi 60 kúndik merzimnen 14-15-kúnge deıin qysqartýdy josparlaýda
ASTANA. Sáýirdiń 29-y. QazAqparat - Elektrondyq memlekettik satyp alýlardyń biregeı operatory «Elektrondyq kommertsııa ortalyǵy» JShS konkýrlyq protsedýralardy qazirgi 60 kúndik merzimnen 14-15-kúnge deıin qysqartýdy josparlap otyr.
Bul týraly agenttik tilshisine suhbat bergen atalǵan mekemeniń óndiris jónindegi basqarýshy dırektory ıÝlııa Stepantsova málim etti.
Aǵymdaǵy jyly sáýirdiń 24-inde Úkimettiń elektrondyq memlekettik satyp alýlar júrgizý erjesi týraly qaýlysy kúshine engen bolatyn. Elektrondyq baıqaýdy iske qosý jańa múmkindikter ashýmen qatar memlekettik satyp alýlardy júrgizýdiń eń kóp taraǵan tásilderin qamtýǵa múmkindik beredi. Elektrondyq memlekettik satyp alýlar birinshi kezekte ótkiziletin sharalarǵa ketetin shyǵyndardy tómendetip, qaǵaz qujat aınalymyn qysqartady.
«Tolyǵymen alǵanda biz konkýrstyq protsedýralardy júrgizý boıynsha merzimdi qysqardy dep aıta almaımyz. Degenmen ilki jobany sátti júzege asyrý barysynda biz Qarjy mınıstrligimen konkýrstyq protsedýralar merzimin eki esege deıin qysqartýǵa qatysty sáıkesinshe túzetýler engizýdi josparlap otyrmyz», deıdi ıÝ.Stepantsova.
Onyń naqtylaı túsýinshe, qazirgi ýaqytta ótinish berý merzimi 30 kúntizbelik kúndi quraıdy. Odan keıingi merzim ótinishti qaraýǵa ketip, jalpy 60 kúntizbelik kúnge deıin sozylatyn atap ótken ortalyq dırektory «Budan ary biz ótinishterdi berý jáne qaraý merzimi 14-15 kúntizbelik kún bolady dep josparlaýdamyz», dedi.
Konkýrstyq tásilmen elektrondyq memlekettik satyp alýlardy ótkizýdiń ilki aımaǵy retinde QR Qarjy mınıstrligi tańdalǵan. Semınar aıasynda 150 qyzmetkerdi oqytý josparlansa, qazirgi ýaqytta onyń 51-i bilimin tolyqtyryp úlgergen.
