«Elektrondyq memlekettik satyp alý» júıesiniń jumysy nátıjesinde 10 mlrd teńge kóleminde bıýdjettik qarajat únemdeldi
ASTANA. 14 mamyr. QazAqparat/Aınur Kenebaeva/ - Aǵymdaǵy jyldyń birinshi toqsanynda «Elektrondyq memlekettik satyp alý» avtomattandyrylǵan aqparattyq júıesiniń tıimdi jumysy nátıjesinde 10 mlrd teńge kóleminde bıýdjettik qarajat únemdelgen.
Bul týraly búgin «Elektrondyq kommertsııa ortalyǵy» mamandarynyń uıymdastyrýymen ótken jýrnalısterge arnalǵan semınarda ortalyqqa qarasty portaldyq sheshimderdi tehnıkalyq qoldaý qyzmetiniń keńesshisi Dılıara Baıqanova málim etti.
Dılıara Baıqanovanyń sózine sáıkes, elektrondyq memlekettik satyp alýdyń basty artyqshylyǵynyń biri - bıýdjettik qarajattyń únemdelýi.
Elektrondyq keńistiktiń úsh jyldyq jumys qorytyndysy boıynsha tirkelegen baǵa usynystaryn suratý tásili arqyly júzege asyrylǵan memlekettik satyp alý kórsetkishine sáıkes jalpy alǵanda 48 mlrd teńge únemdeldi.
«Elektrondyq kommertsııa ortalyǵynyń» keńesshi-mamany málim etkendeı, 2011 jyldyń ekinshi jartysynan bastap elektrondyq konkýrstar QR aýmaǵynda tolyqqandy jumys isteı bastamaq, sonymen qatar ilki rejımdegi elektrondyq aýktsıondar da iske qosylmaq.
