Elektrondyq memlekettik satyp alý júıesin jetildirý - ýaqyttyń enshisinde, sony kútý kerek - Q.Esekeev
ASTANA. Mamyrdyń 31-i. QazAqparat - «Meniń beretin negizgi keńesim - júıede jumys isteýdi jalǵastyra berý kerek. Olaı bolmaǵan jaǵdaıda, istiń barysyn saralaý qıynǵa soǵady», dep atap kórsetti «Qazaqtelekom» AQ-nyń basshysy Qýanyshbek Esekeev «Elektrondyq memlekettik satyp alýlar» júıesin damytýǵa qajetti jýrnalısterdiń saýaldaryna bergen jaýabynda. «Eger qandaı da bir problemalar týyndap jatsa, olar tehnıkalyq turǵydan sheshile alady», - deıdi Q.Esekeev.
Ol sondaı-aq, elektrondyq túrde salyqtyq eseptemelerdi berý júıesin mysalǵa keltirdi. Bas kezinde bul júıege de qatysty syn-eskertýler aıtyldy, biraq keıinnen jurtshylyq sabyrǵa kelip, jańa formattyń basymdyǵyn baǵalaı aldy, deıdi Q.Esekeev.
«Biz elektrondyq túrde salyq esebin berýdi úırendik, al elektrondyq memlekettik satyp alýǵa áli úırene almaı jatyrmyz. Áliptiń artyn baǵý kerek», - dedi.
