Elektrondyq memlekettik satyp alý jeke basynyń qamyn kúıttegen sheneýnikterdiń sybaılas jemqorlyqpen aınalysýyna múmkindik bermeıdi - Májilis depýtaty
ASTANA. Tamyzdyń 9-y. QazAqparat - Sońǵy kezderi QR Parlamentinde elektrondyq memlekettik satyp alýdyń taýarlardy jetkizýshiler men qyzmet kórsetýshiler úshin tıimdigili jóninde jıirek aıtylýda.
Máselen, Parlament Májilisiniń depýtaty Shavhat Ótemisovtiń pikirinshe, elektrondyq memlekettik satyp alý jeke basynyń qamyn kúıttegen sheneýnikterdiń sybaılas jemqorlyqpen aınalysýyna múmkindik bermeıdi. «Qazir kádimgi konkýrstardyń kóbi ádil ótpeıtini belgili», - deıdi ol. «Osyndaı baıqaýlarda keıbir sheneýnikter jeke basynyń paıdasyn oılap, zańdy belshesinen basyp jatady. Sonyń kesirinen memlekettik qyzmetkerlerdiń atyna kir kelse, zańsyz árekettermen aýyz jalasqan sheneýnikterdiń ústinen qylmystyq ister qozǵalyp jatatyny málim. Al elektrondyq memlekettik satyp alý mundaıǵa eshqashan jol bermeıdi». Óıtkeni, onyń aıtýynsha, kez kelgen qyzmet kórsetýshiler men taýar jetkizýshiler arnaıy portalda jarııalanǵan qyzmet túrlerimen tanysyp, ózderiniń tapsyrystaryn bere alady. Munda bári ashyq jáne ádil ótedi. ıAǵnı, kim jaqsy usynys beredi, sol utady.
