Elektrondyq kommertsııanyń úlesin 10 paıyzǵa arttyrýǵa múmkinshilik bar - Baqyt Sultanov
«Ótken jyly Elektrondyq kommertsııany damytýdyń 2019-2025 jyldarǵa arnalǵan jol kartasy ázirlenip, qabyldandy. Bul qujattaǵy sharalar 3 baǵyt boıynsha qurylymdalǵan. Birinshi - elektrondyq saýdada eksportty arttyrý. Ekinshi - otandyq kásipkerlerdi elektrondyq saýdaǵa tartý jáne ınfraqurylymdy damytý. Úshinshi - Tutynýshylardyń quqyqtaryn qorǵaý jáne elektrondyq saýdany ilgeriletý», - dedi mınıstr.
Onyń sózine qaraǵanda, ótken jylǵy jazda elektrondyq saýda úlesin 5 paıyzǵa deıin jetkizý mindeti qoıylǵan.
«Alaıda, Saýda jáne ıntegratsııa mınıstrligi qurylǵan kezden bergi ýaqytqa biz qosymsha taldaý júrgizdik. Nátıjesinde elektrondyq kommertsııa úlesin 10 paıyz deıin arttyrýǵa bolady degen ambıtsııalyq maqsatty aldyǵa qoıýǵa barlyq múmkinshilik bar dep sanaımyz», - dedi Baqyt Sultanov.
