Elektrondyq kitaphanadan árbir stýdent óz qalasynda otyryp-aq aqparat ala alady - J. Túımebaev
ALMATY. Jeltoqsannyń 20-sy. QazAqparat /Ádilet Musahaev/ - Joǵary oqý oryndary arasyndaǵy elektrondyq kitaphana arqyly stýdentter men oqytýshylardyń tegin aqparat alý múmkindigi týyp otyr. Bul jaıynda QR Bilim jáne ǵylym mınıstri Janseıit Túımebaev QazUTÝ-dyń bazasyndaǵy portaldyń jáne Joǵary oqý oryndary arasyndaǵy respýblıkalyq elektrondyq kitaphananyń tusaýkeserinde aıtty,
dep habarlaıdy QazAqparat.
Joǵary oqý oryndary arasynda respýblıkalyq elektrondyq kitaphana jáne ýnıversıtet portaly elimizdegi JOO-lardyń elektrondyq bilim berý resýrstaryn biriktirý maqsatynda qurylǵan.
«Búgingi shara joǵary oqý júıesindegi úlken oqıǵa dep esepteýge bolady, óıtkeni osy jaǵdaıǵa qol jetkizý úshin ýnıversıtetterimiz aıanbaı jumys istedi. Bul kitaphana arqyly stýdentter sandyq formatqa kóshirilgen barlyq aqparattardy óz qalasynda otyryp ala alady. Bul qazirgi tańdaǵy bilim salasyndaǵy árbir azamat úshin jasalyp otyrǵan jaǵdaı dep esepteımin. Joǵary oqý oryndarynda básekege qabiletti bilikti mamandardy daıarlaýda ǵylymı zertteýlerdi sońǵy oqýlyqtarmen jabdyqtaý ýnıversıtetterimizdiń sapasyn arttyrý úshin jasalyp jatqan jumystar», deıdi Janseıt Túımebaev.
