Elektrondyq format nátıjesinde 8,4 mlrd teńge bıýdjet qarajaty únemdeldi
«Sybaılas jemqorlyq jahandyq deńgeıdegi másele. Ony túbegeıli jeńgen memleket joq dep aıtýǵa bolady, biraq solaı eken dep oǵan nemquraıly qarap, moıynsunýǵa bolmaıdy. Jemqor sheneýniń Otanyn da, otaýyn da, memleketin de satyp ketedi. Aınalyp kelgende táýelsizdikten aıyrady», - deıdi QR Parlamenti Májilisiniń depýtaty Baqytbek Smaǵul.
Onyń aıtýynsha, bıyl 23 qańtarda «Transperensı Interneshnl» halyqaralyq qoǵamdyq uıymy sybaılas jemqorlyqty túısiný ındeksiniń reıtıngisin jarııalady.
«Nátıje boıynsha, jemqorlyqpen kúreste Qazaqstan Ortalyq Azııa boıynsha kóshbasshy el bolyp tur. Reıtıng boıynsha 113-orynda tur. TMD memleketteri keńistigindegi biraz memleketten ozyp tursaq ta, bizdiń aldymyzda ózge memleketter bar. Biz damyǵan memleketter qataryna enemiz dep umtylyp otyrǵan bolsaq, jemqorlyqpen kúresti óristete túsýimiz kerek. Bul úshin birqatar sharalar atqarý kerek. Mysaly, bıýdjettiń ashyqtyǵyn qamtamasyz etýimiz kerek. Sybaılas jemqorlyqqa qarsy is-qımyl agenttigi qurylǵaly kóp nárseniń beti ashylyp jatyr. 2019 jylǵy bıýdjettiń atqarylýy týraly esepke nazar aýdarǵan kezde tıimsiz paıdalanylǵan qarjynyń sál-pál bolsyn azaıǵanyna kóz jetkizdik. Parlamentte de aýdıt jáne qarjylyq baqylaý týraly zań qabyldanyp, byltyr kúshine endi. Sondaı-aq, elektrondyq formatqa kóshýimiz kerek. Osy formattyń arqasynda bıýdjet qarjysynan 8,4 mıllıard teńge únemdelgen», - deıdi ol.