Elektrondyq eńbek bırjasy: 273 myń adam jumysqa ornalasty
QR Eńbek jáne halyqty áleýmettik qorǵaý mınıstrliginen málim etkendeı, EEB iske qosylǵan sátten bastap (2018 jyldyń basynan beri) portal arqyly 1,25 mıllıonnan astam adam eńbekke ornalasqan. Onyń 895 myńy – turaqty jumys orny.
Sonymen qatar, 226 myńnan astam jumys berýshi 2 mln bos jumys ornyn jarııalaǵan, 1 mln 88 myń jumys izdeýshi 1,46 mln túıindeme qaldyrǵan. Búgingi kúni portalda 58 myń bos jumys orny jáne 199 myń túıindeme ózekti.
«Eńbek resýrstaryn damytý ortalyǵy» AQ taldaýyna sáıkes ekinshi toqsannyń qorytyndysy boıynsha jumys izdeýshiler arasynda eń kóp túıindeme keńse-menedjer, jol jóndeý jumysshysy jáne avtomobıl júrgizýshisi baǵyttary boıynsha ornalastyrylǵan. Óz kezeginde jumys berýshilerge jol jóndeý jumysshylary, avtokólik júrgizýshileri men kúzetshiler qajet.
«Esterińizge sala keteıik, EEB portalyn QR Eńbek jáne halyqty áleýmettik qorǵaý mınıstrligi Elbasynyń tapsyrmasy boıynsha ázirledi jáne 2018 jyldyń qańtarynda paıdalanýǵa berildi. EEB negizgi maqsattarynyń biri azamattarǵa jumysqa ornalasýǵa, jumys berýshilerge – qyzmetkerlerdi izdestirý men irikteýge kómek kórsetý bolyp tabylady. EEB-ǵa memlekettik Jumyspen qamtý ortalyqtarynan, sondaı-aq jumys berýshilerden, jeke agenttikterden jáne onlaın-alańdardan kelip túsken bos jumys oryndary men túıindemeler shoǵyrlandyrylady. Búgingi tańda EBT-ǵa halyqty jumyspen qamtý jónindegi 203 ortalyq, 6 ınternet-alań, 4 BAQ, 54 jeke jumyspen qamtý agenttigi qosyldy», - dedi mınıstrlikten.
