Elektrondyq densaýlyq saqtaýdy damytýdyń alǵashqy standarttary bekitildi
ASTANA. QazAqparat - Elektrondyq densaýlyq saqtaýdy damytýdyń alǵashqy standarttary bekitildi, dep habarlaıdy QR Densaýlyq saqtaý mınıstrliginiń baspasóz qyzmeti.
QR Densaýlyq saqtaý mınıstrligi ótkizgen «Qazaqstan Respýblıkasynda elektrondyq densaýlyq saqtaýdy damytý perspektıvasy» taqyrybynda dóńgelek ústelde 2013-2020 jyldarǵa arnalǵan QR elektrondyq densaýlyq saqtaýdy damytý jónindegi tujyrymdamasy tanystyryldy.
Atalmysh is-sharaǵa Astana men Almaty qalalarynyń, oblystyq densaýlyq saqtaý basqarmalarynyń ókilderi, qalalyq, oblystyq medıtsınalyq uıymdardaǵy jaýapty azamattar, respýblıkalyq uıym basshylarynyń orynbasarlary, aqparattyq tehnologııa salasyndaǵy mamandar, Qazaqstan Respýblıkasynyń IT-kompanııalary qaýymdastyǵynyń ókilderi, halyqaralyq sarapshylar qatysty.
«Qazaqstannyń elektrondyq densaýlyq saqtaý salasyn iske asyrý der kezinde, shynaıy jáne tolyqqandy aqparatty avtomattandyrylǵan túrde alýǵa múmkindik beredi. Bul óz kezeginde emdelýshiniń qajettiligine baǵyttalyp, densaýlyq saqtaý júıesiniń qaýipsiz, ádil, sapaly jáne tııanaqty oryndalýyna jol ashady. Al eldegi ár azamattyń elektrondyq densaýlyq pasporty - elektrondyq densaýlyq saqtaýdyń ortalyq elementine aınalady», - delingen habarlamada.
Elektrondyq densaýlyq saqtaýdyń turaqty damýyn qamtamasyz etý men osy úrdiske barlyq múddeli jaqtardy tartý úshin Mınıstrlik bazalyq standarttardy, normatıvtik-quqyqtyq reglamentteý qujattaryn ázirleý boıynsha jumystardy júrgizýde. Qazirgi tańda alǵashqy basty standarttar ázirlenip, bekitildi. Olardy daıyndaý jumysyna Mınıstrlik jáne oǵan baǵynyshty uıym, halyqaralyq keńes berýshi mamandar men medıtsınalyq qyzmetkerler qatysty. Aıta keteıik, standarttardyń jobalary qoǵammen aldyn ala Mınıstrliktiń resmı saıtynda jáne forýmynda talqylandy.
