«Elektrondyq densaýlyq saqtaý» baǵdarlamasyna basymdyq beriledi - Úkimet saǵaty
ASTANA. 20 aqpan. QazAqparat - «Salamatty Qazaqstan» baǵdarlamasy aıasynda «elektrondyq densaýlyq saqtaý» baǵdarlamasyn qalyptastyrý men damytýǵa basymdyq beriledi.
Búgin QR Parlamenti Májilisinde ótken Úkimet saǵatynda Densaýlyq saqtaý mınıstri Salıdat Qaıyrbekova osylaı málim etti.
«Densaýlyq saqtaýdyń «Salamatty Qazaqstan» atty memlekettik baǵdarlamasy aıasynda birqatar mańyzdy mindetterge basymdyq beriledi. Atap aıtqanda, negizgi baǵyttar retinde densaýlyq saqtaýdyń Biryńǵaı aqparattyq júıesin odan ári damytýdy atap ótkim keledi. Osy baǵytta 2012 jyly atalǵan aqparattyq júıeni Densaýlyq saqtaýdyń biryńǵaı júıesimen úılestirý sharalary qamtylatyn bolady», - deıdi mınıstr.
Onyń aıtýynsha, osy baǵyttaǵy basym sharalardyń biri «elektrondyq densaýlyq saqtaý» baǵdarlamasyn qalyptastyrý men damytý bolyp tabylady.
