Elektrondyq tsıfrlyq qoltańbany endi telefon arqyly da alýǵa bolady
23 sáýirden bastap eGov.kz portalynda elektrondyq tsıfrlyq qoltańbany (ETsQ) alý úshin Digital ID beıne tekserýi kompıýterdiń kamerasyn qoldanbaı-aq qoljetimdi bolady.
El turǵyndary úshin ETsQ-ny qashyqtan alý protsesi burynǵydan da qoljetimdi jáne yńǵaıly boldy. Beıne tekserý servısi - Digital ID paıdalanýshylarǵa kompıýterde kamera bolmaǵan jaǵdaıda nemese jaramsyz bolǵan kezde QR -kodtyń kómegimen ETsQ-ny qashyqtan alý úshin sáıkestendirý rásiminen ótýge múmkindigin beredi. Jańa jańartýlar jeke jáne zańdy tulǵalar úshin qoljetimdi.
«ETsQ alý – eGov.kz portalynda óte tanymal servıs. Tek osy jyldyń ózinde ony 4,8 mln ret memlekettik qyzmetterdi alý úshin jasaǵan. Bizge azamattar kompıýterde kamera joq nemese jumys istemeıdi degen shaǵymdarmen kóp keledi. Bul ózgerister ETsQ-ny qashyqtan alý protsesin jeńildetedi jáne yńǵaıly etedi»,- dep atap ótti «Ulttyq aqparattyq tehnologııalar» AQ Basqarma Tóraǵasy Rostıslav Konıashkın.
Jańartýlardy paıdalaný úshin telefon kamerasyn kompıýter ekranynda kórsetilgen QR-kodyna baǵyttap, beıne tekserýden ótý kerek. Sáıkestendirý sátti rastalǵannan keıin óz kompıýterińizde ETsQ alýdyń ádettegi tásilin jalǵastyrý qajet.
