Elektrondyq tsıfrlyq qoltańba alýshylar sany 2 mıllıonǵa jetti
Búgingi kúni berilgen bundaı tsıfrlyq qoltańba sany 2 mıllıonǵa jetti. Bul týraly Kólik jáne kommýnıkatsııa mınıstrliginiń baspasóz qyzmetinen habarlandy.
Sarapshylardyń pikirinshe, aǵymdaǵy jyl sońyna deıin elektrondyq tsıfrlyq qoltańba alýshylar sany aıtarlyqtaı ósedi dep kútilýde. Oǵan Halyqqa qyzmet kórsetý ortalyqtarynda azamattardyń jeke kýáligine osyndaı tsıfrlyq qoltańbany jazý qyzmetiniń iske qosylǵany septigin tıgizip jatqan kórinedi.
«Búgingi kúni elimizdegi 229 halyqqa qyzmet kórsetý ortalyǵynda azamattarǵa jańa jeke kýálik berý kezinde kýáliktegi chıpke elektrondyq tsıfrlyq qoltańbany birden jazyp berý qyzmeti kórsetiledi. Sondaı-aq, halyqqa qyzmet kórsetý ortalyqtarynda «elektrondyq úkimet» buryshtary uıymdastyrylǵan. Bul jerlerde árbir azamatqa elektrondyq qyzmet túrlerin alýǵa qatysty keńester beriledi», - delingen baspasóz habarlamasynda.
Toqtala ketetin jaıt, 2 000 000-shy elektrondyq tsıfrlyq qoltańbaǵa elorda turǵyny Márııam Erdalıeva ıe boldy. Oǵan «2 000 000 ETsQ-ny alýshy» sertıfıkaty jáne sońǵy úlgidegi noýtbýk tapsyryldy.
