Elektrondyq aqsha týraly zańnyń qabyldanýy birqatar ózekti máselelerdi sheshedi-M.Ábenov
ALMATY. Qazannyń 18-i. QazAqparat /Erbol Azanbek/ - QR Parlamenti Májilisiniń qorjynynda jatqan «Elektrondy aqsha týraly» zańdy talqylaý ýaqytsha toqtatyldy. Bul týraly búgin Almatyda ótken «QazNettiń quqyqtyq rettelýi jáne onyń qazaqtildi ınternet BAQ-tyń damýyna yqpaly» atty semınar barysynda QR Parlamenti Májilisiniń depýtaty Murat Ábenov aıtty.
Májilis depýtatynyń pikirinshe, zań jobasynda birqatar naqtylanatyn tustar bar. «Máselen QR Ulttyq banki elektrondy aqshamen aınalysýdy tek bankterge berý qajet dep esepteıdi. Alaıda elektrondy aqshanyń aınalymy az bolǵandyqtan bul tıimsiz, sondyqtan Reseıdegideı jeke kompanııalar da aınalysýy kerek»,- degen depýtattyń pikirinshe, bul zań jobasy tolyqtyrylyp, qalaıda qabyldanýy qajet.
«Qazirgi kezde elimizde Reseıdiń elektrondy aqshasy aınalysta júr. Bul aqparattyq qaýipsizdigimizge syn. Ózimizdiń elektrondy aqshamyz bolsa, birqatar máselelerdi de sheshetin edik. Mysaly, qazirgi qarapaıym termınaldardyń komıssııasy joǵary. Óıtkeni ortada komıssııalyq alym alyp bankter otyr. Elektrondy aqsha komıssııa qunyn tómendeter edi. Bolmasa alys aýyldaǵy adamǵa Almatydan taýar jetkizgenshe eki-úsh ese baǵa tóleıdi. Eger sol aýyldarǵa ınternet jetkizilip, elektrondy aqsha bolsa, álgi taýardyń jetkizý qunyn ǵana tóler edi. Sondyqtan elektrondy aqsha týraly zańdy talqylaý jaqynda jalǵasyp, qabyldanýy tıis»,- dedi M.Ábenov.
