Elektrondyq-aqparattyq resýrstardy memlekettik organdardyń ınternet-resýrstaryna ornalastyrý erejelerine ózgerister engizildi
2007 jylǵy 13 shildedegi № 598 jáne «Memlekettik organdardyń ınternet-resýrstaryna ornalastyrylatyn memlekettik organdar týraly elektrondyq- aqparattyq resýrstardyń tizbesin bekitý týraly» 2007 jylǵy 3 qazandaǵy № 891 qaýlylaryna ózgerister men tolyqtyrýlar engizildi, dep habarlaıdy resmı BAQ.
Qazaqstan Respýblıkasy Úkimetiniń qaýlysy
2012 jylǵy 29 mamyr, Astana, Úkimet Úıi, № 698
Qazaqstan Respýblıkasy Úkimetiniń «Elektrondyq-aqparattyq resýrstardy memlekettik organdardyń ınternet-resýrstaryna ornalastyrý erejesin bekitý týraly» 2007 jylǵy 13 shildedegi № 598 jáne «Memlekettik organdardyń ınternet-resýrstaryna ornalastyrylatyn memlekettik organdar týraly elektrondyq- aqparattyq resýrstardyń tizbesin bekitý týraly» 2007 jylǵy 3 qazandaǵy № 891 qaýlylaryna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Úkimetiniń keıbir sheshimderine mynadaı ózgerister men tolyqtyrýlar engizilsin:
1) «Elektrondyq aqparattyq resýrstardy memlekettik organdardyń ınternet-resýrstaryna ornalastyrý erejesin bekitý týraly» Qazaqstan Respýblıkasy Úkimetiniń 2007 jylǵy 13 shildedegi № 598 qaýlysynda: kórsetilgen qaýlymen bekitilgen Elektrondyq aqparattyq resýrstardy memlekettik ogandardyń ınternet-resýrstaryna ornalastyrý erejesinde:
mynadaı mazmundaǵy 1-1-tarmaqpen tolyqtyrylsyn:
«1-1. Memlekettik organdardyń ınternet-resýrstaryna ornalastyrylatyn elektrondyq aqparattyq resýrstar, serpindi jáne statıkalyq aqparatty qamtıtyndar bolyp bólinedi»;
2-tarmaq mynadaı redaktsııada jazylsyn:
«2. Osy Erejede mynadaı negizgi termınder men uǵymdar paıdalanylady:
1) atrıbýt - HTML tiliniń túrlerine, alańdaryna, ádisterine, erekshelikterine jáne basqa da keıbir qurylymyna jazylatyn qosymsha aqparat;
2) balama mátin - tek mátindi kórsetetin qurylǵylardy paıdalanǵan kezde mátindik emes veb-kontenttiń mazmunyn jáne fýnktsııasyn túsinýge múmkindik beretin mátin;
3) veb-kontent - elektrondyq aqparattyq resýrstyń mátindik, mátindik emes nemese medıa mazmuny;.
4) ınternet-resýrs - ashyq aqparattyq-kommýnıkatsııalyq jelide jumys istep turǵan elektrondyq aqparattyq resýrs, ony júrgizý jáne (nemese) paıdalaný tehnologııasy, sondaı-aq aqparattyq ózara is-qımyldy qamtamasyz etetin uıymdastyrýshylyq qurylym;
5) serpindi aqparat - bul memlekettik organnyń aǵymdaǵy qyzmetin kórsetetin ýaqytsha sıpattaǵy aqparat (perspektıvalyq damý, ózekti oqıǵalar, basym baǵyttar jáne basqalary);
6) statıkalyq aqparat - bul memlekettik organnyń ishki qyzmetin kórsetetin turaqty (anyqtamalyq) sıpatqa ıe aqparat (normatıvtik quqyqtyq aktiler, qurylym, memlekettik organ erejesi jáne basqalar);
7) teg - ınternet-resýrstyń veb-betindegi mátinniń kórinisin ózgertetin HTML tiliniń elementi;
8) Web Content Accessibility Guidelines (WCAG.2.0) - ártúrli paıdalanýshylardyń barynsha qalyń toby úshin, onyń ishinde múmkindigi shekteýli adamdar úshin qoljetimdi veb-kontentti qurýdyń zamanaýı erejeleri men qaǵıdattaryn sıpattaıtyn veb-kontentke qoljetimdilikti qamtamasyz etý jónindegi nusqalyq.»;
6-tarmaqtyń birinshi bóligi mynadaı redaktsııada jazylsyn:
«6. Memlekettik organdardyń ınternet-resýrstaryndaǵy statıkalyq aqparat qajettiligine qaraı jańartylady.»;
mynadaı mazmundaǵy 6-1-tarmaqpen tolyqtyrylsyn:
«6-1. Memlekettik organdardyń ınternet-resýrstaryna elektrondyq aqparattyq resýrstardy ornalastyrý WCAG.2.0 sáıkes júrgiziledi:
1) bezendirý maqsatynda paıdalanylatyn mátindik emes veb-kontentten basqa mátindik emes jáne medıa veb-kontentter balamaly mátinmen súıemeldenip, baǵdarlamalyq kodta tıisti atrıbýttarmen belgilenýge tıis;
2) veb-bette beınelengen, maǵynasy onyń túsine baılanysty bolatyn mátindik emes jáne mátindik veb-kontenent maǵynalyq júktemesi dál sondaı balamaly mátindi qamtýy tıis;
nysanynda, mólsherinde jene ornalasýynda maǵynalyq júkteme bar veb-kontent elementteri tıisti mátindik anyqtamamen súıemeldenýi tıis;
3) nysanada, mólsherinde jáne ornalasýynda maǵynalyq júkteme bar veb-kontenet elementteri tıisti mátinik anyqtamammen súıemeldenýi tıis;
4) medıa veb-kontent tıtrlermen nemese transkrıpttermen súıemeldenýi tıis;
5) eger veb-kontentti oqýdyń durys dáıektiligi onyń maǵynasyn anyqtasa, onda ol baǵdarlamaly túrde anyqtalýy tıis;
6) úsh sekýndtan asa vtomaty túrde oınalatyn aýdıo veb-kontent úshin toqtaý, úzilis nemese dybysty ajyratý mehanızmderin berý qajet;
7) ınternet-resýrsta ornalastyrylǵan veb-kontent pernetaqta arqyly basqarylýy tıis;
8) ýaqyt boıynsha shekteletin bet nemese qosymsha toqtatatyn, ıkemdeıtin nemese shekteý merzimin uzartatyn mehanızmdi qamtýy tıis;
9) sekýndyna úsh retten astam jarqyldaýdy qamtıtyn, vtomaty túrde qozǵalatyn, jypylyqtaıtyn, aınalatyn veb-kontentti qurý usynylmaıdy, qoldanylǵan jaǵdaıda osy veb-kontentti toqtatý jónindegi mehanızmdi berý qajet;
10) úlken kólemdi grafıkalyq elementteri nemese navıgatsııaly siltemeleri bar veb-bette kórneki bóliginde veb-kontenttiń negizgi bóligine ótý úshin silteme jasaý qajet;
11) árbir veb-bette bettiń maqsaty men taqyrybyn sıpattaıtyn, tıisti tegte kórsetiletin aqparatty taqyryp bolýy tıis;
12) siltemeniń maqsaty siltemeniń óz mátininen ne silteme mátini men onyń baǵdarlamaly anyqtalǵan kontekstinen túsinikti bolýy tıis;
13) veb-bette negizgi qoldanylatyn til tıisti atrıbýttyń kómegimen baǵdarlamalyq kodta anyqtalýy tıis;
14) paıdalanýshynyń aqparatty engizgen kezindegi anyqtalǵan kez kelgen qate mátindik habarlama túrinde usynylýy qajet.»;
2) «Memlekettik organdardyń ınternet-resýrstaryna ornalastyrylatyn memlekettik organdar týraly elektrondyq aqparattyq resýrstardyń tizbesin bekitý týraly» Qazaqstan Respýblıkasy Úkimetiniń 2007 jylǵy 3 qazandaǵy № 891 qaýlysynda (Qazaqstan Respýblıkasynyń PÚAJ-y, 2007 j., № 36, 411-qujat):
kórsetilgen qaýlymen bekitilgen memlekettik organdardyń ınternet-resýrstaryna ornalastyrylatyn memlekettik organdar týraly elektrondyq aqparattyq resýrstardyń tizbesinde:
rettik nómiri 4-joldyń 3-baǵany mynadaı redaktsııada jazylsyn:
«1. Memlekettik organnyń qaramaǵyndaǵy jalpy paıdalanymdaǵy aqparattyq júıelerdiń, derekter bankiniń, tizilimderdiń, tirkelimderdiń tizbeleri. Azamattar men uıymdarǵa usynylatyn aqparattyq resýrstar men qyzmetterdiń tizbesi.
2. Aqparattyq-kommýnıkatsııalyq tehnologııalar josparlaryn iske asyrý jáne aqparattyq júıelerdi ázirleý týraly aqparat.»;
rettik nómiri 13-jol alynyp tastalsyn;
eskertpe ** alynyp tastalsyn.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV.
