Elektrondy jýrnaldy 1,5 mıllıondaı oqýshy qoldanady - Erlan Saǵadıev
«Internet jelisine qoljetimdilik boıynsha aıtarym. Qazir mektepterdiń 99 paıyzy nemese 6960 mektep ınternetke qosylǵan. Biraq, bunyń ishinde tek 62 paıyzy bizge qajetti jyldamdyǵy 4 Mbıt/s-tan kem emes ınternetke qoljetimdi. 3200 mektepke Wi-Fi tartyldy. Bul da úlken mańyzdy jumys. «Tsıfrly Qazaqstan» baǵdarlamasy boıynsha barlyq mektepterde tıisti josparlar bar», - dedi mınıstr Úkimet otyrysynda.
Saǵadıevtiń aıtýynsha, Qazaqstanda búginde 4 myńnan astam mektepke elektrondy kúndelik engizilgen. Ony qazirgi tańda bir jarym mıllıondaı oqýshy qoldanady.
«Sonymen birge, elektrondyq jýrnal tsıfrly bilim resýrstary sekildi barlyq mektepterde bolýy kerek. Qazir elektrondy jýrnaldy qaǵaz esepke birdeı etip teńestirdik. Eger mektep elektrondy júıege jáne keń jolaqty ınternetke qosylǵan bolsa, mektep jýrnalyn tek elektrondy túrde júrgizý kerek», - dedi Erlan Saǵadıev.