Elektrondy vızany engizýge qarjy kerek - QR SІM
ASTANA. QazAqparat - QR Syrtqy ister mınıstrligi elektrondy vızany engizýdi kózdeıdi. Alaıda osy bastamany iske asyrý úshin qarajat qajet, dep xabarlaıdy QazAqparat tilshisi.
«Qazirgi kezde biz vızalyq rejımdi barynsha jeńildetýge tyrysyp jatyrmyz. Osy oraıda zaman talabyna saı tehnologııalardy qoldaný jumysyna basa nazar aýdarylady. Úkimettiń tapsyrmasy boıynsha elektrondy vızany engizý máselesi pysyqtalyp jatyr. Sonyń arqasynda shetel azamattary Qazaqstannyń vızasyn jyldam ári kedergisiz ala alady. Negizgi maqsat - týrısterdiń sanyn barynsha arttyrý, ınvestıtsııalardyń kólemin ulǵaıtý», - dedi konsýldyq qyzmet departamentiniń basshysy Ardaq Madıev búgin Astanada ótken baspasóz máslıhatynda.
Onyń aıtýynsha, elektrondy vızanyń arqasynda Qazaqstan men damyǵan elder arasyndaǵy baılanys kúsheıe túsedi. Saýda-sattyq ta artady. «Qazirgi kezde biz QR Mádenıet jáne sport mınıstrliginiń týrızm komıtetimen tyǵyz jumys jasap kelemiz. Búgin taǵy bir keńesti ótkizdik. Sol jerde quziretti memlekettik organdardyń qatysýymen elektrondy vıza engizý máselesi qaraldy. Jaqyn arada osy bastamany iske asyra alamyz dep senemin. Biraq bıýdjet qarjysyna, ol aqshany alǵanymyzǵa baılanysty», - dep atap kórsetti A.Madıev.
