Elektrondy úkimettiń kadr rezervine ótinim qabyldaý bastaldy
Korporatsııanyń kadr rezervine ótinish bergisi keletin úmitkerlerge talent.gov4c.kz saıtynda tirkeýden ótý qajet. Ótinim berý kezinde júıede jeke derekterdi toltyryp, óńirdi, jumys isteıtin/jumys istegen uıymnyń ataýyn, laýazymdy jáne qyzmet baǵytyn kórsetý qajet. Sonymen qatar tirkeý barysynda bilimi, jumys ótili, baılanys telefony jáne elektrondyq poshta týraly málimet toltyrylady. Sondaı-aq úmitker jeke kýáliginiń, dıplomynyń, sertıfıkattarynyń jáne usynymhattarynyń (keminde úsh) kóshirmelerin tirkeýi kerek. Tirkeý rásiminen keıin kórsetilgen poshtaǵa rastaý-hat jiberiledi, hatta kórsetilgen silteme boıynsha ótken soń, úmitker paıdalanýshy kelisimine ETsQ-kiltpen qol qoıýy shart.
«Onlaın ótinish berý platformasy túsinikti ári yńǵaıly. Jobaǵa tirkelgen tulǵalar jeke kabınetinde aqparatty tolyqtyryp, irikteýdiń kezeńderi men nátıjelerin kóre alady. Bul kandıdattardy irikteý protsesiniń tolyq ashyqtyǵyn dáleldeıdi. Ótinimderdi qabyldaý 10 naýryzǵa deıin jalǵasady», – deıdi memlekettik korporatsııanyń tóraǵasy Ádil Qojyqov.
Úmitkerler 3 kezeńnen turatyn irikteýden ótedi. Testileý kezeńderin sátti tapsyrǵandar memlekettik jáne qoǵam qaıratkerlerinen, HR sarapshylarynan jáne Memlekettik korporatsııanyń Basqarma múshelerinen turatyn saraptama komıssııasynyń múshelerimen áńgimelesýden ótedi. Qorytyndysynda joǵary nátıje kórsetken úmitkerler tıisti bos laýazymdarǵa taǵaıyndaý maqsatynda kadr rezervine alynady.
