«Elektrondy úkimetti» - iske qosatyn mezgil jetti» - respýblıkalyq basylymdarǵa sholý

***

«Yntymaqtastyq forýmynyń kelisimderin júzege asyrý jaıy Qazaqstan Respýblıkasynyń Prezıdenti Nursultan Nazarbaevtyń Reseı Federatsııasynyń Prezıdenti Dmıtrıı Medvedevpen telefon arqyly sóılesýi kezinde qarastyryldy», dep jazady «Egemen Qazaqstan» sársenbi úni jaryq kórgen nómirinde. Áńgimelesý barysynda Óskemende ótken Qazaqstan men Reseıdiń VІІ Óńiraralyq yntymaqtastyq forýmynyń barysynda qol jetkizilgen kelisimderdi júzege asyrý týraly, atap aıtqanda, eki eldiń joǵary tehnologııa, ǵylym men bilim, tranzıt-kólik áleýeti salalaryndaǵy ózara is-qımylyn keńeıtý máseleleri jóninde sóz boldy. Memleket basshylary sondaı-aq aldaǵy ýaqytta Astanada ótetin EQYU sammıtiniń máselelerin talqylaǵan.

«Kedeıshilik negizi - jumyssyzdyqta». «Egemen Qazaqstan» gazetinde osy taqyryppen basylǵan maqala Memlekettik hatshy - Syrtqy ister mınıstri Qanat Saýdabaev bastaǵan qazaqstandyq delegatsııa qatysyp jatqan BUU Bas Assambleıasynyń 65-shi sessııasyna arnalǵan. Basylymnyń habarlaýynsha, Q.Saýdabaev BUU Bas Assambleıasy sessııasynyń aıasynda dúısenbi jáne seısenbi kúnderi sessııaǵa kelgen birqatar sheteldik jaýapty tulǵalarmen ekijaqty kezdesýler ótkizgen. «Memlekettik hatshynyń áriptesi, Qytaı Syrtqy ister mınıstri ıAn Tszechımen bolǵan kezdesýinde eki eldiń yntymaqtastyǵyn ári qaraı tereńdetý máseleleri talqylandy. Qytaı dıplomaty qazaqtyń "Alystan arbalaǵansha, jaqynnan dorbala" degen maqalyn keltire otyryp, Qazaqstan - Qytaı gaz qubyry qurylysynyń ekinshi kezeńi bastalǵanyn, bul eki eldiń strategııalyq áriptestiginiń naqty kórinisi ekendigin atap ótti. Taraptar sondaı-aq Qyrǵyzstanǵa kómek berý jóninde de pikir almasty. Bul elge ShYU-ǵa múshe memleketter de kómek qolyn sozatyn bolady», dep jazady basylym.

«Egemen Qazaqstan» gazetiniń jazýynsha, QR Premer-Mınıstri K.Másimov el Táýelsizdiginiń 20 jyldyǵyn toılaýǵa daıyndyq pen ony ótkizý jónindegi uıymdastyrý komıtetiniń otyrysyn ótkizdi. Beıneselektorlyq keńes túrinde ótkizilgen otyrys jumysyna Parlament Senaty men Májilisiniń depýtattary, Prezıdent Ákimshiliginiń, ortalyq jáne jergilikti bılik ókilderiniń basshylyǵy, sonymen qatar memlekettik emes uıymdar men saıası partııalardyń ókilderi qatysqan. Uıymdastyrý komıtetiniń músheleri Astana qalasy men elimizdiń aımaqtarynda Táýelsizdiktiń 20 jyldyǵyn toılaýdyń ÚEU, jastar uıymdary, partııalar, ǵylymı jáne shyǵarmashylyq ókilderi tarapynan daıyndalǵan tujyrymdamany talqyǵa saldy. Sonymen qatar, respýblıka Táýelsizdiginiń 20 jyldyǵyn toılaýdyń jalpyulttyq jospary jobasyn daıyndaý máseleleri boıynsha pikir almasty.

***

«Qyzyljarlyq óner adamdary kásipkerlermen sottasyp, mıllıoner atanýdy sánge aınaldyrǵanǵa uqsaıdy. Osy jazda ǵana aqyn Maral Ospanova eki shýmaq óleńin makaronnyń syrtyna ruqsatsyz basqan kásipkerden bir mıllıon teńge alǵan bolatyn. Endi sýretshi Valerıı Krestnıkov avtorlyq quqyǵyn qorǵaý úshin sotqa shaǵym túsirdi», dep jazady «Alash aınasy» gazeti «Sýretshi men makaronshy Abylaıhanǵa talasyp jatyr» degen taqyryptaǵy maqalasynda. Basylymnyń atap ótýinshe, qylqalam sheberi tushpara shyǵarýmen aınalysatyn kásipkerdi «Abylaıdyń jastyq shaǵy» atty týyndysyn ónim syrtyna zańsyz basqan dep aıyptap otyr. Sýretshiniń surap otyrǵan ótemaqysy da osal emes. Ol qazaqtyń hany Abylaıdyń sýretin 300 mıllıon teńgege baǵalady.

Adamzattyń ıgiligine qyzmet etetin dúnıeler keıde halyqtyń soryna aınalyp jatady. Máselen, ǵalamtordy búginde bireýler aqparat alýdyń quraly retinde paıdalanatyn bolsa, endi bireýler ony jeke múddesi men qıturqy maqsaty úshin qoldanady. Bir ókinerligi, sońǵy ýaqytta ǵalamtordy paıdalaný arqyly bázbir adamdar qazaqtyń arasyna iritki salýmen aınalysyp júrgen sekildi. Bul týrasynda «Alash aınasy» gazetiniń búgingi nómirinde jaryq kórgen «KZ te rýǵa bólinetin boldy» degen taqyryptaǵy maqalada egjeı-tegjeıli jazylǵan. «Sońǵy ýaqytta keıbir saıttarda bir rýdy jamandaý, bir rýdy kemsitý baǵytyndaǵy maqalalar, pikirler qaptap ketti. Munymyz sor ma, qorlyq pa - ony oılap jatpaımyz. Máselen, qazir ǵalamtorda tipti ár rýdyń jeke blogy bar. Onda sol rýdyń adamdary ǵana jazýǵa haqyly. Mundaı blogtardy ashyp qarasańyz, óz rýyn maqtaý, óz rýyn basqalardan joǵary qoıyp, basqa rýlardy kemsitý baǵytyndaǵy pikirler qaptap turady. «Bizdiń rýymyz myqty» nemese «osyndaı rý adamdary, birigińder» degen sııaqty sózderdi jıi ushyratýǵa bolady», delingen maqalada.

***

«Premer Kárim Másimov keshe eldi eleń etkizerlik málimdeme jasady. Ol Úkimetti ınternetpen basqarýdy qalaıdy. «Maǵan keıbir áriptesterim keledi ǵoı, sonda olar qasymda otyryp alyp, planshettik kompıýter nemese qandaı da bir uıaly telefon arqyly óziniń ókimetin basqarýdy jalǵastyra beredi» dep tamsana áńgimeledi Kárim Qajymqanuly Mınıstrler kabınetiniń múshelerine», dep jazady «Aıqyn» gazeti búgingi nómirinde jaryq kórgen «Másimov Úkimetti ınternetpen basqarýdy qalaıdy» degen taqyryptaǵy maqalasynda. Jarııalanym tolyq nusqasyn oqyǵyńyz kelse, «Aıqyn» gazetin nazaryńyzdan jiberip almańyz. Al osy taqyrypty qaýzaǵan «Egemen Qazaqstan» gazetiniń maqalasy «Elektrondy úkimetti» iske qosatyn mezgil jetti» degen taqyryppen berilgen.

Osy basylymnyń dástúrli «Aq sóıle!» aıdarynyń sársenbilik qonaǵy - Bilim jáne ǵylym mınıstrliginiń Bilim jáne ǵylym salasyndaǵy baqylaý komıtetiniń tóraǵasy, tehnıka ǵylymdarynyń doktory, professor Naıman Qalabaevpen aradaǵy suhbat «Biz qandaı da bolsyn dıalogqa daıynbyz» degen taqyryppen berilgen. Suhbat barysynda basylym tilshisiniń barlyq saýaldaryna tuşymdy jaýap bergen ǵalym «Qazaqstan azamattarynyń basqa memleketterde ǵylymı jumys qorǵaýyna quqy bar. Biraq olarǵa sol eldiń memlekettik attestatsııalaý organdary bergen ǵylymı dárejesi men ataqtary bizdiń elde qaıta attestatsııalaýdan ótýi tıis. TMD-nyń barlyq elinde de qaıta attestatsııalaýdyń osyndaı tásili qoldanylady. Olardyń ǵylymı jumystaryn ne sebepti shetelde qorǵaıtynyn ózderi aıta jatar, biraq dál osy shetelde qorǵaǵan izdenýshilerdiń dıplomdaryn qaıta attestatsııalaýdan ótkizý kezinde birqatar máselelermen betpe-bet kelip jatamyz. Mine, sońǵy úsh jyldaǵy derekke súıensem, shetelde qorǵalǵan jumystardyń 27 paıyzy Qazaqstannyń normatıvtik talaptaryna saı kelmeıtin bolyp shyqqan» depti.

Túrkııada ótip jatqan aýyr atletıkadan álem chempıonatynda qazaq eliniń ókili Maııa Maneza altynnan alqa taǵynyp, qurama qorjynyna alǵashqy júldeni saldy. 63 keli salmaq dárejesinde baq synaıtyn otandasymyz serpe kóterýde 143 kelini baǵyndyryp, álemdik rekordqa (142 keli) jańartý engizdi. Julqa kóterýde 105 keli salmaqty yrqyna kóndirgen jıyrma tórt jastaǵy Maneza osymen ekinshi ret álemdik dodada top jaryp, Qazaqstan ánuranyn shyrqatty. Sportshymyzdyń jetistigi jaıynda «Aıqyn» gazetiniń búgingi nómirinen egjeı-tegjeıli oqı alasyzdar. Sondaı-aq «Egemen Qazaqstan» gazetinde de «Maıa Maneza - eki dúrkin álem chempıony» degen taqyryppen maqala jarııalandy.

Keshe Memleket basshysy Nursultan Nazarbaev Ulttyq qaýipsizdik komıtetiniń tóraǵasy Nurtaı Ábiqaevty qabyldady», dep jazady «Kazahstanskaıa pravda» gazeti QR Prezıdentiniń baspasóz qyzmetine silteme jasap. N.Ábiqaev Prezıdentti Komıtettiń aǵymdaǵy qyzmeti men aldaǵy kezeńge arnalǵan jumystarynyń basym baǵyttary týraly habardar etti. Kezdesý barysynda sondaı-aq elimizdiń ulttyq qaýipsizdik júıesin odan ári jetildirý, azamattardyń quqyqtaryn qorǵaýdy qamtamasyz etý jónindegi is-sharalar týraly sóz boldy.