Elektrondy úkimetti engizý nátıjesindegi shartty únem 40,2 mlrd. teńgege jetti - A.Jumaǵalıev
TANA. 14 qyrkúıek. QazAqparat /Marlan Jıembaı/ - Elektrondy úkimetti engizý nátıjesindegi shartty únem 40,2 mlrd. teńgege jetti.
Bul týraly búgin elordada ashylǵan «DigitalCommunicationKazakhstan-2011» atty halyqaralyq kórme-konferentsııa barysynda QR Baılanys jáne aqparat mınıstri AsqarJumaǵalıev málim etti.
«Biz elektrondy úkimet engizýdiń shartty únemi, ıaǵnı tıimdiligi 40,2 mlrd. teńgege jetti dep naqty aıta alamyz», - dep atap ótken onyń sózine qaraǵanda, bundaı nátıjege elektrondyq qujat aınalymy men elektrondy lıtsenzııalaýdyń barlyq júıesin engizý esebinen qol jetkizilgen.
Onyń atap ótýinshe, e-úkimet portalyndaǵy elektrondyq qyzmetter sanynyń artýy esebinen bul kórsetkish ulǵaıa túsetin bolady. Qazirgi ýaqytta atalǵan portal el azamattaryna 74 ınteraktıvti qyzmet jáne 2000-nan astam aqparattyq qyzmet kórsetedi. «Bul san óse túsetin bolady jáne biz taıaý jyldar ishinde eń qajetti qyzmet túrlerin ózimizdiń portalǵa ornalastyramyz», - dedi ol.
