Elektrondy úkimettegi portal sábıli bolǵan ata-analardy qaǵaz bastylyqtan bosatady
ASTANA. 29 maýsym. QazAqparat (Arman Asqarov) - Elektrondy úkimet portaly sábı dúnege kelgen kezde ata-analardy qaǵaz bastylyqtan bosatady, olar ǵalamtor arqyly sábıdiń týý týraly kýáligin, memlekettik járdemaqy týraly anyqtama qaǵaz alyp, bala týylǵannan keıin birden ony balabaqshaǵa tizimdeı alady.
Bul týraly «Bnews.kz» AA stýdııasynda ótken dóńgelek ústel barysynda «Ulttyq aqparattyq tehnologııalar» AQ jobalar tájirıbesi jáne saraptama departamentiniń dırektory Denıs Lednev habarlady.
Ol bıyl elektrondy úkimet portaly arqyly 15 elektrondy qyzmetti júzege asyrý kózdelip otyrǵanyn habarlady.
«Mysalǵa, buryn bala dúnıege kelgen kezde týý týraly kýálik alý úshin óte kóp qujattar tizimin, keıin memlekettik járdemaqy alý úshin de osy qujattardy jınap, keıin balany balabaqshaǵa tizimge turǵyzý úshin de osy protsedýrany qaıtalaý kerek bolatyn. Endi bul keshendi jolmen sheshiletin qyzmet bolmaq. Sábı dúnıege kelgen kezde azamat portalǵa ótinish jazady, oǵan avtomatty túrde týý týraly kýálik, memlekettik járdemaqy alý týraly anyqtama qaǵaz beriledi de bala avtomatty túrde balabaqsha tizimine qoıylady», - dep málim etti D.Lednev.
«Jumystyń bári óte qarapaıym atqarylady: ata-analar portalǵa kirip tirkeledi jáne bir ret ótinish beredi. Al qalǵan sharýanyń barlyǵyn júıe avtomatty túrde atqarady», - deıdi ol.
