Elektrondy úkimet jáne basqa da birqatar saıttar ýaqytsha jumys istemeıdi
NUR-SULTAN. QazAqparat - Memlekettik qyzmet kórsetetin biırqatar aqparattyq resýrstar men saıttar bir táýlikke jumysyn toqtatady, dep habarlaıdy QazAqparat «Ulttyq aqparat ortalyǵy» AQ baspasóz qyzmetine silteme jasap.
«14 jeltoqsan saǵat 21:00-den bastap 15 jeltoqsan saǵat 21:00-ge deıin memlekettik organdardyń serverlik ortalyǵynda ornalasqan telekommýnıkatsııalyq jabdyqtarda josparly jumystar júrgiziledi. Osyǵan baılanysty birqatar ınternet-resýrstar jumys istemeıdi. Qolaısyzdyq úshin keshirim suraımyz» dep málim etti kompanııadan.
14-15 jeltoqsan kúnderi jumys istemeıtin ınternet-saıttar:
- «Elektrondyq úkimet» portaly»;
- «Elektrondyq úkimettiń» tólem shlıýzi;
- «Mobıldi úkimet» qosymshasy;
- TelegramBot - EgoKzBot «E-notarıat» biryńǵaı notarıattyq aqparattyq júıesi;
- «Tehbaıqaý» mindetti tehnıkalyq baıqaýdyń biryńǵaı aqparattyq júıesi;
- «E-lıtsenzııalaý» memlekettik derekter qory;
- «Taýarlardy tańbalaý» servıstik baǵdarlamalyq ónimi;
- «Monopolıst» bazasy servıstik baǵdarlamalyq ónimi;
- Memlekettik organdardyń saıttary;
- Qazaqstan Respýblıkasy Joǵarǵy Sotynyń saıty;
- Qazaqstan Respýblıkasy Ulttyq kýálandyrýshy ortalyǵynyń saıty.
Sonymen qatar, 1414 biryńǵaı baılanys ortalyǵy da ýaqytsha qońyraý qabyldamaıdy.
