Elektrondy úkimet portalynyń jańa nusqasy iske qosyldy

ASTANA. 9 qazan. QazAqparat - Búgin «Ulttyq aqparattyq tehnologııalar» AQ basqarma tóraǵasynyń orynbasary Talǵat Ismaǵambetov www.egov.kz - elektrondy úkimet portalynyń jańa nusqasyn tanystyrdy.

Onyń aıtýynsha, elektrondy úkimet portalynda bolǵan aqparat pen qyzmetter toptastyrylyp, arnaıy rýbrıkalarǵa bólingen. Máselen, «Otbasy» aıdarynda zańdy nekeni tirkeý úshin elektrondy aryz berý, aty-jóndi ózgertkeni úshin kýáliktiń salyǵyn tóleý, balanyń týý týraly qujaty men balabaqshanyń kezegine qatysty málimetti tabýǵa bolady. «Portaldyń jańa úlgisinde on-laın qyzmetter bir tizimde berilgen. Al jańadan ashylǵan bloktardyń biri - Azamattar men úkimet. Atalǵan bólimde memlekettik organ ókilderimen elektrondy túrde aqparat almasýdyń joldary kórsetilgen. Bul jerde ınternet-konferentsııalar, mınıstrdiń qabyldaýyna jazylý, sondaı-aq birinshi basshylardyń blogtaryna qatysty aqparat alýǵa bolady», - deıdi T. Ismaǵambetov.