Elektrondy úkimet portalynyń dızaıny ózgeredi

NUR-SULTAN. QazAqparat – Elektrondy úkimet portalynyń dızaınyn jetildirý jumystary júrgiziledi. Bul týraly QR Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsın aıtty, dep habarlaıdy QazAqparat tilshisi.

Parlament Májilisinde eGov.kz portalynyń dızaınyn ózgertý múmkindigine qatysty suraq qoıdy.

«Árıne, ol ózgerip jatyr. Portaldy túsiniksiz dep aıtýǵa bolmaıdy. Búginde onyń 10 mln-nan asa qoldanýshysy bar. Biraq ony túsinikti etý úshin kúndelikti jumys istep jatyrmyz. Arnaıy jumys toptary bar», - dedi B. Mýsın.

Sonymen qatar qatar mınıstrden veb-portaldyń paıdalanýshylar úshin qanshalyqty qolaıly ekeni suraldy.

«Meniń oıymsha, (eGov.kz) túsiniksiz bolsa, búginde 10 mln-nan asa halyq qalaı paıdalanyp júr? Olar bizdiń júıege kirip, tsıfrlyq qujattardy paıdalanady jáne taǵy basqa qyzmet túrlerin alady. Men sizge statıstıkany alyp bereıin. Biraq eGov.kz adamdarǵa qolaıly bolýy úshin onyń dızaınyn ózgertemiz jáne qazaq tilindegi qyzmetterdi jetildirý jumysyn júrgizip jatyrmyz», - dedi vedomstvo basshysy.

Budan buryn habarlanǵandaı, Baǵdat Mýsın «Azamattarǵa arnalǵan úkimet» memlekettik korporatsııasyndaǵy qyzmetkerlerdiń jalaqysy ósetinin aıtty.