Elektrondy UBT: Smartfon men shpargalkaǵa qalaı tosqaýyl qoıylady
«Ulttyq biryńǵaı testileý elektrondy formatta «bir test tapsyrýshy – bir kompıýter – bir kamera» qaǵıdaty boıynsha uıymdastyrylady. Demek, árbir qatysýshy jeke kompıýterde otyryp, UBT tapsyrmalaryn oryndaıdy. Aqparattyq qaýipsizdikti qamtamasyz etýge erekshe nazar aýdardyq. Testileý protsesi shıfrlaý elementteri bar arnaıy jabyq VPN jelisi arqyly júzege asyrylady», - dedi Á. Toıbaev Ortalyq kommýnıkatsııalar qyzmetinde.
Bilim mınıstrliginiń málimetinshe, aýdıtorııada ne bolyp jatqanyn kórsetetin kameralardan basqa, test tapsyrýshy otyratyn ár ústeldiń ústinde taǵy bir kamera ornatylady. Proktorıng pen beınebaqylaýdyń zamanaýı júıesi jáne UBT-da bógde adamdardy boldyrmaý úshin Face ID tsıfrlyq sáıkestendirý qurylǵysy paıdalanylady.
Erejelerdiń saqtalýyn arnaıy kompıýterlik baǵdarlama baqylaıdy, ol tyıym salynǵan zattardy qoldaný faktilerin avtomatty túrde anyqtaıdy. Eger UBT tapsyrý kezinde talapkerdiń smartfon, shpargalka jáne t.b. tyıym salynǵan zattardy paıdalanǵany anyqtalsa, testileý avtomatty túrde toqtatylady, test tapsyrýshynyń nátıjeleri joıylady.
Testileý protsesin qosymsha ahýaldyq ortalyq baqylaıdy. Sondaı-aq ashyqtyq pen obektıvtilikti qamtamasyz etý úshin UBT-ny ótkizý rásimine Qazaqstan Respýblıkasy Sybaılas jemqorlyqqa qarsy is-qımyl agenttiginiń Arnaıy monıtorıngtik toby men «Adaldyq alańy» jobalyq keńsesiniń ókilderi shaqyrylatyn bolady.
Budan buryn habarlanǵandaı, bıyl Ulttyq biryńǵaı testileý elektrondyq formatta ótedi.
Ulttyq biryńǵaı testileýdi eki márte tapsyrýǵa bolady.
Taratylǵan málimetke qaraǵanda, testileýge 4 saǵat (240 mınýt) beriledi. UBT nátıjesi boıynsha talapkerler eń joǵary 140 ball jınaı alady.
Testileý nátıjeleri UBT aıaqtalǵannan keıin birden qoljetimdi bolady.
