Elektrondy tólqujatta adamnyń barlyq aýrý-syrqattary saqtalady - Birtanov
«Kelesi jyldan bastap balanyń týǵanynan bastap barlyq málimetter arnaıy elektrondy tólqujatqa jazylady. Sosyn árbir adamnyń jeke kabıneti bolady. Sol jerde barlyq em-dom sharalarymen tanysýǵa múmkindik jasalady», - dedi Birtanov búgin Úkimet úıinde ótken baspasóz máslıxatynda.
Onyń aıtýynsha, atalǵan bastamany iske asyrý úshin arnaıy elektrondy platforma jasaqtalady. Memlekettik jáne jekemenshik emxanalar óz aqparattyq júıelerin sol platformaǵa qosyp, «biryńǵaı tereze» qaǵıdaty boıynsha qyzmet kórsete alady. Atalǵan sharalardyń barlyǵy «Tsıfrlyq Qazaqstan - 2020» baǵdarlamasynda kórsetilgen.
Aıta keteıik, búgingi brıfıng kezinde QR Densaýlyq saqtaý mınıstri Eljan Birtanov Kóksaı shatqalynda qar kóshkininen jaraqat alǵan sarbazdardyń qazirgi xal-jaǵdaıy týraly aıtyp berdi.
Sondaı-aq Túrkistandaǵy psıxonevrologııalyq dıspanserdiń basshylyǵynyń jumystan qýylǵanyn jetkizdi.