Elektrondy taýar saýdasy týraly málimetterdi ýákiletti organǵa berý tártibi bekitildi

NUR-SULTAN.QazAqparat – QR Qarjy mınıstrligi ekinshi deńgeıli bankter men uıymdardyń ýákiletti organǵa sheteldik kompanııalarǵa onlaın tásilmen jasalǵan aýdarymdar men tólemderdiń somasy týraly derek berýin retteıtin erejeni bekitti, dep habarlaıdy QazAqparat tilshisi.

Bul ereje boıynsha bankter men uıymdar Memlekettik kirister komıtetine sheteldik kompanııalardyń paıdasyna elektrondy saýda-sattyq júrgizetin nemese elektrondy qyzmet kórsetýshi ınternet alańdar arqyly jasalǵan aýdarymdar men tólemderdiń kúntizbelik jyl kólemindegi qorytyndy somasy týraly aqparatty eseptik jyldan keıingi ekinshi aıdyń 15-i kúninen keshiktirmeı berý qajet.

Beriletin aqparat ýákiletti organǵa elektrondy tasyǵyshta Microsoft Excel formatynda, qazaq jáne orys tilderinde usynylýy kerek.

Buıryq 2022 jyldyń 30 sáýirinde kúshine enedi.

Resmı satıstıka boıynsha, 2021 jyly B2C (bıznesten tutynýshyǵa) elektrondy saýda naryǵynyń kólemi 1 286,8 mlrd teńgege jetken.