Elektrondy shot-faktýrany berýden qandaı kásipkerler bosatylady

NUR-SULTAN. QazAqparat - Memlekettik kirister komıteti qandaı kásipkerlik sýbektileri elektrondy shot-faktýrany jazyp berýden bosatyltynyn aıtty, dep habarlaıdy QazAqparat.

«Elektrondy shot-faktýra (EShF) jazyp berý boıynsha mindettemelerdi oryndaýdy jeńildetý maqsatynda Qarjy mınıstrliginiń Memlekettik kirister komıtimen Pılottyq joba iske qosyldy. Oǵan sáıkes 2021 jylǵy 1 qańtardan 31 jeltoqsanǵa deıin s alyq tóleýshilerdiń jekelegen sanattary úshin EShF jazyp berýden bosatý qarastyrylǵan» - dep habarlady MKK-de.

Pılottyq jobany iske asyrý tártibi Qazaqstan Respýblıkasy Qarjy Mınıstriniń 2021 jylǵy 18 maýsymdaǵy №588 buıryǵymen belgilengen.

EShF jazyp berý mindetinen:

1) quny 1000 eselengen AEK mólsherinen (2,9 mln teńge) asatyn azamattyq-quqyqtyq mámile boıynsha kásipkerlik sýbektileri;

2) satyp alynǵan taýardy túpkilikti tutyný maqsatynda paıdalanylatyn jeke tulǵalarǵa ótkizý kezinde kásipkerlik sýbektileri;

3) jeke jáne zańdy tulǵalarǵa taýarlardy ótkizý kezinde QQS tóleýshileri bolyp tabylmaıtyn - mıkrokásipkerlik sýbektileri shot-faktýra jazyp berýden bosatylady.

Taýarlardy, jumystardy, kórsetiletin qyzmetterdi alýshy shot-faktýra jazyp berýdi talap etken jaǵdaıda, jetkizýshi osyndaı talapty oryndaýǵa mindetti ekendigin eskerý qajet.

Pılottyq jobanyń qatysýshylary bolyp joǵaryda kórsetilgen talaptardyń birine sáıkes keletin salyq tóleýshiler tanylady.